Ekonomıka • 20 Qańtar, 2020

Salyq kodeksine engen jańa ózgerister túsindirildi

246 retkórsetildi

Memlekettik kirister komıteti salyq jáne bıýdjetke tólenetin basqa da mindetti tólemderge qatysty jańa ózgeristerdi turǵyndarǵa túsindirdi. Jıyn Nur-Sultan, Almaty, Shymkent qalalary men oblys ortalyqtaryndaǵy saýda ortalyqtary men úlken bazarlarda, halyqqa qyzmet kórsetý ortalyqtarynda ótkizildi.

«Adaldyq alańy» uranyn ustanǵan naýqan Qarjy mınıstrligi qyzymetiniń ashyqtyqtyǵyn nasıhattaý, turǵyndardy mazalaǵan suraqtarǵa jedel jaýap berý maqsatynda uıymdastyryldy.

Esterińizde bolsa, 2020 jylǵy 1 qańtardan bastap «Salyq jáne bıýdjetke tólenetin basqa da mindetti tólemder týraly» kodeks kúshine engen bolatyn. Atalǵan qujatta mindetti tólemderge qatysty kóptegen ózgeris engizildi.

Máselen, 2020 jyldyń 1 qańtarynan bastap talap qoıýdyń eskirý merzimi úsh jyldy quraıdy.

Zań jobasyna engizilgen túzetýge sáıkes, 2020 jylǵy 1 qańtarǵa deıin týyndaǵan talap qoıýdyń eskirý merzimi bes jyldy quraıdy. Sondaı-aq Mıkro jáne shaǵyn bıznes kompanııalaryn úsh jyl merzimge kiristen salyq tóleýden bosatylmaq.

2020 jyldyń 1 qańtarynan bastap jumysker eńbegin paıdalanbaıtyn, jeke kásipkerlikpen aınalysatyndar patent qoldanýǵa múmkindik berilmek.

2020 jyldyń 1 qańtarynan bastap biryńǵaı jer salyǵy negizińde sharýa nemese sharýa qojalyqtary úshin BJS stavkasy kiristiń 0,5% paıyzyn quraıdy.

Onlaın-BKM qoldaný talaptary jalpy paıdalanýdaǵy telekommýnıkasııa jelileri joq aımaqtarda óz qyzmetin júzege asyratyn bıznes sýbektilerine taratylmaıdy.

Sonymen qatar 2020 jyldyń 1 qańtarynan bastap oıyndarǵa salynatyn qosymsha salyq joıylady.

Sońǵy jańalyqtar

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar