Aımaqtar • 22 Qańtar, 2020

Volonterlik qozǵalys qoldaý tabýda

60 retkórsetildi

Prezıdent Qasym-Jomart Toqaev bıylǵy jyldy Volonter jyly dep belgilegen edi. Osyǵan baılanysty qazir jer-jerlerde Qazaqstan halqy Assambleıasy oblystyq fılıaldarynyń sheńberinde volonterlik qozǵalys ortalyqtary ashylyp jatyr.

О́tken aptanyń sońǵy kúni Sol­tús­tik Qazaqstan oblysynyń QHA sheń­­berinde osyndaı ortalyq ashyldy. Onda volonterlik qozǵalystyń maq­­saty, áleýmettik bastamalar men jo­balardy iske asyrýdaǵy olardyń róli týraly aıtyldy. Sonymen birge volonterlik jumystardyń úı­lestirýshisi QHA bolatyny da jet­ki­zildi.

Volonter degenniń ózi – jas­tar­dyń qoǵamdyq paıdaly isterge kómek kór­setip, qolǵabys tıgizýi. Keńes Odaǵy jyldarynda ondaıdy «Tımýr qoz­ǵalysy» dep ataıtyn. Jazýshy Arkadıı Gaıdar oılap taýyp, óziniń «Tımýr jáne onyń komandasy» degen kitabynda osy qozǵalystyń qalaı bolý kerektigin kórsetken. Sony bas­shy­­lyqqa alǵan Keńes Odaǵynyń oqý­shy­lary qart adamdarǵa, jarymjan jandarǵa, soǵys múgedekterine kómek­tesýdi, olardyń otynyn jaryp, sýyn ákelip berýdi jáne t.b. úı sharýala­ryn atqarýdy qolǵa alǵan. Olar ózde­riniń kómekteri úshin eshkimnen, eshqandaı aqy talap etpeıdi. Jumys iste­genniń ózi ózimizge paıdaly, úıre­ne­miz ári dene qozǵalystaryn jasaımyz, uıymshyldyqtyń ne ekenin is júzinde kóremiz degen urandar bolatyn. Volonterlik degen dál osy qoz­ǵalys, biraq munyń qamtý aıasy «tı­mýr­shylardan» da asyp ketken. Volonterler jeke adamdarǵa kómektesýmen shektelmeıdi, olar jalpy qoǵamǵa, memleketke qajetti sharýalarǵa qolǵabys tıgizedi. Sonyń ishinde kóshelerge gúl, aǵash otyrǵyzý, ómirde túrli qaǵajý kórgen jandarǵa kómektesý, ıesiz qalǵan janýarlar men ıtterge, mysyqtarǵa qamqorlyq jasaý, esirtkige qarsy kúreske, jas­ós­pi­rimder arasyndaǵy qylmysqa qarsy profılaktıkalyq sharalar ótkizý, tegin konsertter men óner kórsetý jáne t.b. Sonymen qatar halyqaralyq sha­ralar ótkizilgende qonaqtardy kútý, aýdarmashylyq qyzmetter at­qa­rý sııaqty isterdi atqarýǵa da qazir vo­lonterler qyzý aralasady.

 

Soltústik Qazaqstan oblysy

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar