Prezıdent • 22 Qańtar, 2020

Prezıdent Tımýr Qulybaevty qabyldady

73 retkórsetildi

Kezdesý barysynda Memleket basshysyna bıznes sektorynyń ahýaly, otandyq kásipkerliktiń problemalary, sondaı-aq Ulttyq kásipkerler palatasynyń osy saladaǵy qyzmetiniń qorytyndylary týraly aqparat berildi. Bul týraly Aqordanyń baspasóz qyzmeti habarlady.

Qasym-Jomart Toqaevqa elimizdegi agroónerkásip kesheniniń damýy, fermerler men aýyl sharýashylyǵy taýarlaryn óndirýshilerge qarjy aınalymynyń qajettiligi, ekonomıkanyń ózge de sektorlaryna qarajattyń qoljetimdiligi jaıynda baıandaldy.

Importty almastyrý, memlekettik satyp alýlardyń tıimdiligin arttyrý máseleleri talqylandy. Prezıdent qolda bar resýrstardyń bárin iskerlik belsendilikti yntalandyrýǵa jáne óndiristi damytýǵa baǵyttaý qajet ekenin atap ótti.

Sonymen qatar kezdesý kezinde kásipkerlikti qoldaý baǵytyndaǵy memlekettik baǵdarlamalar jumysynyń tıimdiligi sóz boldy. Ulttyq kásipkerler palatasynyń basshysy jappaı kásipkerlik pen adamı kapıtaldy damytýǵa negizdelgen «Úkimet bıznes úshin», «Bastaý», «Jas kásipker» jobalarynyń júzege asyrylý barysy týraly da aıtty.

Sońǵy jańalyqtar

Pavlodarda ekobazar ashyldy

Aımaqtar • Keshe

Uqsas jańalyqtar