Aımaqtar • 22 Qańtar, 2020

Kókshetaýda 9 aýdıokitap jaryq kórdi

16 retkórsetildi

Oblystyq ishki saıasat basqarmasy, «Rýhanı jańǵyrý» óńirlik jobalyq keńsesi, «El Jastar» teatry jáne de «JakonDRA Music» mýzykalyq stýdııasy birlesip qolǵa alǵan aýdıokitaptardy jaryqqa shyǵarý jobasy  jalǵasyn tabýda.

Kezekti tusaýkeser jergilikti 9 qalamgerdiń týyndylaryn qamtydy. Zaman talabyna saı rýhanı baılyqty nasıhattaýǵa baǵyttalǵan atalmysh jobanyń aldaǵy josparlary da aýqymdy. Bilimimdi jetildirip, jergilikti shaıyrlardyń shyǵarmalarymen sýsyndaımyn degen janǵa aýdıokitap qoljetimdi. Kez-kelgen ýaqytta, kez-kelgen jerde qolyńyzdan túspeıtin smartfonyńyz arqyly ınternet jelisinen tyńdaı alasyz.   

–Qazir aýdıokitaptar kóp qoı. Degenmen, bizdiń kitaptardyń bir ereksheligi arnaıy effektiler arqyly oqıǵa beriledi. Aıtalyq, Sáken seri Júnisovtiń «Aqan seri» romanyndaǵy oqıǵalar jelisine saı maǵyna ústeıtin qosymsha dybystar sátti qoldanylǵan. Sonymen qatar  jel, daýyl, qustardyń daýystary tyńdap otyrǵan adamǵa óte áserli, deıdi Maǵjan Jumabaev atyndaǵy oblystyq ǵylymı-ámbebap kitaphanasy dırektorynyń orynbasary Qýanysh Ospanov.    

Is-shara barysynda óner «Rýhanı jańǵyrý»  óńirlik jobalyq keńsesi, «El Jastar» teatry jáne jáne Maǵjan Jumabaev atyndaǵy oblystyq ǵymymı- ámbebap kitaphanasy úsh jaqty memorandýmǵa qol qoıdy. Elimizde atalyp ótetin  Abaı Qunanbaevtyń 175, Uly Jeńistiń 75 jyldyǵy jáne taǵy da basqa  aıshyqty merekelerde artylatyn júkti birge kóterip, tyń týyndylardy tyńdarmandarǵa usynbaq.

Sońǵy jańalyqtar

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar