Aımaqtar • 22 Qańtar, 2020

Qaraǵandyda erekshe qajettilikteri bar balalardyń tisin tegin emdeıdi

26 retkórsetildi

Kenshiler astanasyndaǵy oblystyq stomatologııalyq emhanada fızıkalyq qajettilikteri, psıhonevrologııalyq erekshelikteri men allergomártebesi aýyrlaǵan balalardy emdeýge arnalǵan jeke bólim ashyldy, dep habarlady oblys ákiminiń baspasóz qyzmeti.

Atalǵan sanattaǵy balalardyń ata-analary mindetti áleýmettik medısınalyq saqtandyrý júıesin engizgenge deıin tisterdi narkozdyń kómegimen tek aqyly túrde emdetip kelgen bolatyn. Endi olar bul qyzmetti tegin alý múmkindigine qol jetkizdi.

Jalpy narkozben tisterdi tegin emdeýge joldamany tirkelgen jerleri boıynsha emhanada alýǵa bolady. Erekshe qajettilikteri bar balalardy dárigerler árbir aptanyń eki kúninde qabyldaıdy.

– Buǵan deıin memlekettik tapsyrys kóleminde qarastyrylmaǵandyqtan narkozben tisterdi tegin emdeı almadyq. Biz tek tisterdi julatynbyz. Eshbir ata-ananyń balany tissiz qaldyrǵysy kelmeıtini belgili. Sondyqtan, bul óte mańyzdy másele. Al psıhonevrologııalyq dıagnozy bar balalardyń tisterin tolyq narkozsyz emdeý múmkin emes. Olar dárigerdiń «Aýzyńdy ash» nemese «Túkirip tasta», degen sııaqty nusqaýlaryn belgili sebeptermen oryndaı almaıdy. Qazir MÁMS aıasynda narkozben emdeýdi qarjylandyrý múmkindigi bar jáne bul másele túbegeıli sheshilgen, deıdi oblystyq stomatologııalyq klınıkanyń bas dárigeri Marat Taıshıkov.

Erekshe qajettilikteri bar balalardy emdeýge arnalǵan bólimde qajetti degen barlyq jabdyq bar: eki stomatologııalyq bólme, operasııalyq bólme, narkozdan keıin naýqastardy oıatý palatasy jáne oblystyń basqa qalalary men aýdandarynan kelgen balalar men ata-analarǵa arnalǵan palatalar jumys isteıdi. Mundaǵy medısınalyq qyzmettiń bári tegin.

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar