Ekonomıka • 23 Qańtar, 2020

SNPS kelisimdi oryndamaı otyr

35 retkórsetildi

«SNPS-Aqtóbemunaıgaz» AQ – Aqtóbe oblysy aýmaǵyndaǵy eń iri kásiporynnyń biri. Onyń úlesine óńirde óndiriletin munaı men kómirsýtegi shıkizatynyń 70 jáne suıyq otyn men gazdyń 90 paıyzy tıesili.

Korporasııa men onyń qury­lymdyq bólim­shelerinde 6 200-den astam qyz­metker jumys isteıdi. Soń­ǵy bes jyl ishinde atalǵan ak­sıoner­lik qoǵamnan 500 mıllıard teń­geniń kóleminde ınvestısııa tartylǵan. Áıtse de sońǵy kez­de atalǵan alyp ón­diristik ujym bu­rynǵy júrdek júrisinen jańy­lyp qalǵandaı...

Strategııalyq mańyzy bar shıki­zat ónimderin óndiretin iri ká­sip­orynnyń aldaǵy ýaqytta she­­shi­lýge tıisti máseleleri aýqym­dy bolýy tabıǵı jaıt. Korporasııa byltyr ınvestısııa tartý mólsherin kemitip jibergen. Sonymen birge eńbek ónimdiliginiń qarqyny da aldyńǵy jyldarmen salystyrǵanda tómen­dep ketkeni baı­qalady. Bul óz kezeginde eskire bas­taǵan qural-jabdyqtardy qaıta jań­ǵyrtý qajettiligin kórsetedi. Son­d­a eńbek ónimdiligin eki-úsh esege deıin kóterýge múmkindik ashylmaq.

Sonymen birge «SNPS-Aqtóbe­munaıgazdyń» sońǵy ýaqyt­ta eńbekti uıymdastyrý men jumysshylarǵa atqaryp júrgen aýqymdy eńbekterine laıyqty eńbekaqy tóleý isin de shıryq­tyra almaı júrgeni baıqalady. Aıtalyq, Aqtóbe ob­lysy ákiminiń orynbasary Qaı­rat Bekenovtiń málimdeýine qara­ǵanda, qazirgi kezde korpora­sııa qojaıyndarynyń óz jumys­shylaryna tólep júrgen ortasha eńbekaqysynyń mólsheri respýblıka boıynsha munaı salasy qyzmetkerleriniń ortasha ja­l­a­qy­symen salystyrǵanda  úsh-tórt esege az eken. Bul tómen statıs­tıka ekenine eshkim talaspaıdy.

«SNPS» korporasııasy dırektorlar keńesiniń tóraǵasy Van Ilın Aqtóbe oblysynyń ákimi Ońdasyn Orazalınmen kezdesýi kezinde kúrdeli jaǵdaıdyń ótken jyly kásiporynda ýaqytsha oryn alǵan kidirister men kedergilerge baılanysty ekenin túsindirdi. Onyń aıtýynsha, jumysshylarǵa tolymdy eńbekaqy tóleý máselesi aldaǵy kezde tolyǵymen sheshimin tappaq.

Taǵy bir atap óterlik jaıt, buǵan deıin jasalǵan ózara keli­sim­derge sáıkes sheteldik kompanııa qyzmetke jergilikti mamandar men jumysshylardy tartýǵa tıis. Áıtse de kelisim talaptary oryndalmaı keledi. Esesine soń­ǵy jıyrma jyldyń ishinde kom­panııa basshylary sheteldik ju­mys­shylardy qyzmetke udaıy tartyp kelgen. Sondaı-aq osy aralyqta kásiporyn janynan qazaqstandyq mamandardy oqytý men jańa kásipke beıimdeý isinde ústirttik pen olqylyqqa jol berilgen.

Bul arada basty áńgime, ınjener-tehnık kadrlarǵa baılanys­ty emes, III jáne IV sanattaǵy qara­paıym jumysshylarǵa qatysty óristep otyr. Sheteldik kompanııa basshylary tarapynan mundaı jaǵdaı qaıtalana berse, onyń sońy jumysshylar narazylyǵyna ulasýy da múmkin.

 

AQTО́BE

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar