Álem • 23 Qańtar, 2020

Mońǵolııa jeńil kólik naryǵynda

107 retkórsetildi

Mońǵolııalyqtar avtomobıl óndirý naryǵyn óz qoldaryna alýdy kózdep otyr. Atap aıtsaq, «Bars motors» kompanııasy óz ınvestısııalarymen QHR Hanchjoý qalasynda avtokólik qurastyratyn birikken zaýyt ashyp, alǵashqy ónimderin shyǵara bastady. Avtomobıl «Mongolyn Zon Olon» /MOZO/ nemese «Mońǵol jurtshylyǵy» atpen keshikpeı mońǵol halqynyń turmystyq qajettiligine usynylatyn bolady.

Sońǵy aqparattarǵa qaraǵanda, kólikter Mońǵolııaǵa jetkizilgen, keler 2 aqpanda kórme retinde kópshilikke kórsetiledi dep kútilýde. Kompanııa tarapynan, sol kúni ashyq esik kúndigin jarııalap, aldyn-ala tapsyrys alýdy josparlap otyr.

Qazirgi tańda MOZO-yń Mońoǵlııanyń  qatal klımaty men mońǵol jurtshylyǵynyń qoldanysyna sáıkes kelýi, sapasy men syrtqy beınesiniń tartymdylyǵy, janarmaı jumsaýy men bólshekterdiń sapasyna synaq júrgizilýde.

Eger synaq sátti bolsa, avtomobıl satylymǵa shyǵady. Alǵashqy avtomobıl ortasha ólshemdi, jol talǵamaıdy, baǵasy monǵoldardyń ómir súrý jaǵdaılary men qarjylyq múmkindikterine baılanysty qol jetimdi bolady, dep habarlady Bars Motors kompanııasynyń ókilderi.

Mońǵol halqy avtokólik satyp alýǵa jylyna 500-800 mıllıon dollar jumsaıdy degen boljam bar. Aqsha, ádettegideı Japonııa, Koreıa jáne AQSh-nyń qazanyna quıylady. Sondyqtan avtokólik satyp alýǵa jumsalatyn joǵarydaǵy aqsha aǵymyn saqtaý, kún tártibindegi mańyzdy másele bolyp otyr.

«Bars Motors» JShS óziniń birlesken kásipornyny jylyna 25000 avtomobıl shyǵaratyn múmkindikke ıe. Kelesi jyly 100% elektrmen jumys isteıtin avtomobılder shyǵarmaq. Sonymen qatar, «Bars Motors» Mońǵolııada avtomobıl shyǵaratyn zaýyt ashý úshin zertteý jumystaryn júrgizýde.  

Kompanııa dırektory D.Demberel «Zaýyt qurý úshin óte jaqsy mehanık-ınjenerler nemese bilikti kadrler, zamanaýı quraldar, avtokólik bólshekteri men tehnologııa basty mańyzǵa ıe bolady. QHR-da álemdigi barlyq tehnologııalar shoǵyrlanǵan. Sondyqtan biz, bul jerde ınnovasııaǵa qol jetkizýmiz kerek. Osylaı jasaý arqyly kem degende 200 mln dollordy elimizde qaltyra alamyz» degen túsinikteme berdi.

Qýat ÝATHAN, jýrnalıst

Mońǵolııa, Baı-ólke aımaǵy

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar