Álem • 23 Qańtar, 2020

SCIJ klýbynyń 67-shi otyrysy ótip jatyr

16 retkórsetildi

20-25 qańtar aralyǵynda Sochıdegi «Roza Hýtor» kýrortynda álemniń 27 memleketinen kelgen 130 jýrnalıst-shańǵyshynyń qatysýymen SCIJ (Ski Club International des Journalistes) klýbynyń 67-shi otyrysy ótip jatyr. Bul týraly Mádenıet jáne sport mınıstrliginiń baspasóz qyzmeti habarlady.

Bıylǵy kezdesýdi Qazaqstan men Reseıdegi SCIJ klýbynyń fılıaly uıymdastyryp otyr. Klýb músheleri osy aralyqta jýrnalıstıka salasyndaǵy ózekti taqyryptarǵa arnalǵan dóńgelek ústelder, iskerlik kezdesýler ótkizip, óz eliniń mádenı jáne týrıstik áleýetimen tanystyrady. Sonymen qatar taý shańǵysy jáne shańǵymen jarysýdan básekeler ótedi.

Basqosýda Qazaqstannyń týrızm salasyndaǵy atqaryp jatqan jumystarymen osy is-sharanyń seriktesi Kazakh Tourism ulttyq kompanııasy tanystyrdy.

Aıta keteıik, SCIJ jýrnalıst-shańǵyshylar klýby 1955 jyly Fransııanyń Merıbel taý-shańǵy bazasynda qurylǵan. Sol jyldan beri dástúrli jıyn Eýropa, Soltústik jáne Ońtústik Amerıkanyń 70-ke jýyq shańǵy bazasynda ótken. Qazir quramyna 32 eldiń 2000-ǵa jýyq BAQ ókili kiredi. Qazaqstan atalǵan klýbqa 2012 jyly qosylyp, osy ýaqyta deıin uıym jumysyna belsendi atsalysyp keledi.

-«Búgingi tańda bizdiń elimiz týrızm ındýstrııasyn damytýǵa erekshe kóńil bólip otyr. Qazir ishki týrızmdi jandandyrýǵa baǵyttalǵan jobalar júzege asyrylyp jatyr. Aldaǵy ýaqytta álemniń túkpir-túkpirinen keletin týrıster sanyn arttyrǵymyz keledi. Bul baǵyttaǵy maqsatymyz Qazaqstandy Ortalyq Azııadaǵy týrıstik áleýeti joǵary memleketke aınaldyrý» dedi SCIJ klýby jınalysynda sóz sóılegen Kazakh Tourism ulttyq kompanııasy marketıng, kommýnıkasııalar jáne sıfrlandyrý departamentiniń basshysy Talǵat Amanbaev. Sondaı-aq ol 2021 jyly SCIJ klýbynyń kezekti otyrysyn «Shymbulaq» shańǵy kýrorty ótkizýge daıyn ekenin jetkizdi.

Jyl saıyn ótkiziletin bul is-shara taý shyńǵysy men shańǵymen jarysýdan jýrnalıster arasyndaǵy beıresmı álem chempıonaty sanalady.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar