Qazaqstan • 23 Qańtar, 2020

Nur-Sultanda 11 áýe reısi toqtatyldy

26 retkórsetildi

Aýa raıynyń qolaısyzdyǵyna baılanysty Nursultan Nazarbaev halyqaralyq áýejaıynda 38 avıareıs keshiktirilip, 11 reıs toqtatyldy. Bul týraly atalǵan áýejaıdyń baspasóz qyzmeti habarlady.

 

Halyqaralyq áýejaı baspasóz qyzmetiniń málimetine sáıkes, áýe kemesiniń basqa qalalardan kesh kelýi jáne baratyn áýejaıdaǵy nashar meteojaǵdaılar sebebinen ushyp kelýi tıis 22 reıs keshigýde.

Olar: «Air Astana» áýe kompanııasynyń 9 reısi (onyń ishinde Omby, Táshkent, Máskeý jáne Kıev qalalarynan halyqaralyq reısteri); «SCAT» áýe kompanııasynyń 8 reısi (Ulan-Batyr, Máskeý, Praga); «Qazaq Air» áýe akompanııasynyń Almaty jáne Qostanaı qalalarynan 2 reısi; «Fly Arystan» áýe kompanııasynyń Pavlodar, Almaty jáne Qostanaı qalalarynan 3 reısi.

Sondaı-aq áýe kemesiniń basqa qalalardan kesh kelýi jáne ushyp shyǵatyn áýejaıdaǵy aýa raıynyń nasharlaýy sebebinen ushyp shyǵýy tıis 16 reıs keshigýde (jeldiń ekpini sekýndyna 20 metrge jetedi).

Olar: «Air Astana» áýe kompanııasynyń 6 reısi (onyń ishinde Táshkent jáne Kıev qalalaryna halyqaralyq reıster); «SCAT» áýe kompanııasynyń 8 reısi (onyń ishinde Praga jáne Máskeý qalalaryna halyqaralyq reıster); «Qazaq Air» jáne «Fly Arystan» áýe kompanııalarynyń 4 reısi.

Sonymen qatar «Lufthansa» áýe kompanııasy Frankfýrt qalasyna, «LOT Polish» áýe kompanııasy Varshavaǵa, «Turkish Airlines» áýe kompanııasy Ystanbulǵa ushatyn reısteri jáne «Qazaq Air», «Air Astana», «SCAT» áýe kompanııalarynyń 11 reısi toqtatyldy.

«Jeldiń qatty ekpini ushý qaýipsizdigi maqsatynda áýe kemelerin muzdanýǵa qarsy suıyqtyqpen óńdeýge jol bermeı tur. Nursultan Nazarbaev halyqaralyq áýejaıy shtattyq rejımde jumys isteıdi», delingen habarlamada.

Eske sala keteıik, buǵan deıin aýa raıynyń qolaısyzdyǵyna baılanysty Nursultan Nazarbaev atyndaǵy halyqaralyq áýejaıda 32 áýe reısi keshiktirilip jatqanyn habarlaǵan bolatynbyz.

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar