Aımaqtar • 24 Qańtar, 2020

Halyq qalaýlylary Jambyl jastarymen júzdesti

113 retkórsetildi

Taraz qalasyndaǵy «Sherhantaný» rýhanı-mádenı ortalyǵynda Qazaqstan Respýblıkasy Parlamenti Májilisi áleýmettik-mádenı damý komıtetiniń kóshpeli otyrysy ótti. Atalǵan jıynǵa Parlament Májilisi áleýmettik-mádenı damý komıtetiniń tóraıymy Gúlshara Ábdihalyqova jáne Ábdimanap Bekturǵanov, Baqytbek Smaǵul, Jambyl Ahmetbekov, Nurlan Álimjanov jáne de birqatar Májilis depýtattary qatysty. «Jastar jylynyń» qorytyndysyna arnalǵan jıyndy Gúlshara Ábdihalyqova ashyp, júrgizip otyrdy.

Gúlshara Ábdihalyqova óz sózinde memleket tarapynan jastarǵa tıisti qamqorlyq jasalyp otyrǵanyn basa aıtty. «Jastar jylynyń» jabylý saltanatynda Memleket basshysy Qasym-Jomart Toqaev jastardy qoldaý jáne olardyń máselelerin sheshý maqsatynda Úkimetke biryńǵaı keshendi baǵdarlamalar qurýdy tapsyrdy. Atalǵan tapsyrma boıynsha Úkimet jumys atqarýda. Jalpy, elimizde jastardyń jumysyn úılestirý maqsatynda 208 jastar ortalyqtary qurylǵan. Elimizde 500-den astam úkimettik emes uıymdar jumys isteıdi. О́tken jyly memlekettik organdar úlken jumystar atqardy. «Eńbek» memlekettik baǵdarlamasy tabysty iske asyrylýda», dedi Gúlshara Ábdihalyqova. Sonymen qatar Gúlshara Naýshaqyzy jastardyń kásiptik bastamalaryn qoldaý, olardyń turǵyn úı máselesin sheshý, jastardyń bos ýaqytyn tıimdi paıdalanýdy uıymdastyrý máselelerine de toqtaldy. Sondaı-aq elimizde eshbir sanatta joq NEET jastarǵa tıisti kóńil bólinbeı otyrǵanyn, olarǵa bilim berý, jastardy qoǵamdyq jumysqa tartý máseleleri áli de ózekti ekenin jetkizdi. Al, elimizdiń Eńbek jáne halyqty áleýmettik qorǵaý birinshi vıse-mınıstri Erjan Jylqybaev óz sózinde jastardy qoldaýǵa memleket tarapynan úlken basymdyq berilgenin, jastardyń túrli máselelerin júıeli sheshýge betburys bar ekenin atap ótti. «Elimizde 3 mıllıon 800 myńnan astam jastar bar. NEET jastardyń sany 7,3 paıyzǵa jetken. О́tken jyly elimizde jas kásipker, jas maman jobasy qolǵa alyndy. Nátıjesinde 26 myńnan astam adam qaıtarymsyz nesıe alyp, óz kásibin júrgizýde. Aldaǵy 5 jylda 2 mıllıonǵa jýyq jastyń eńbek naryǵyna shyǵýy josparlanǵan» dedi Erjan Jylqybaev.

Jıyn barysynda Jambyl oblysy ákiminiń birinshi orynbasary Bekbolat Orynbekov jastar máselesine baǵyttalǵan jumystardyń qorytyndysyn baıandady. «Bizdiń óńirde 239 151 jas bar. Jastar jalpy oblys halqynyń 21,2 paıyzyn quraıdy. Jalpy, jumyssyz azamattardy, sonyń ishinde jastardy jumyspen qamtý sharalary memlekettik «Eńbek» baǵdarlamasy aıasynda júzege asyrylyp keledi. О́tken jyly osy baǵdarlama aıasynda 14,4 mıllıard teńge qarjy bólinip, jumyspen qamtýdyń belsendi sharalarymen barlyǵy 48 523 adam qamtyldy. Baǵdarlamaǵa qatysqan azamattardyń 21 652-si nemese 44,6 paıyzy 29 jasqa deıingi jastar qatarynan qamtyldy. Barlyǵy 33451 adam jumysqa ornalastyryldy», dedi Bekbolat Orynbekov. Sondaı-aq ol memlekettik «Eńbek» baǵdarlamasynyń úsh baǵytyna da toqtalyp, bul oraıda jastardyń kóptegen máseleleriniń sheshilgenin jetkizdi.

О́z sózinde kásipker Dılafrýz Mahmadýloeva múmkindigi shekteýli jandardy jumyspen qamtyp otyrǵanyn jetkizse, Taraz servıs jáne tehnologııa kolledjiniń dırektory Bekbol Maımyshev atalǵan oqý ornyn ótken jyly 166 jas bitirgenin, onyń búginde 95 paıyzynyń jumysqa ornalasqanyn aıtty. Al, Shohısta Mýhamedjanova bolsa jastarǵa búginde memleket tarapynan kórsetilip otyrǵan qoldaýdyń nátıjesinde óziniń jeke kásibin ashqanyn atap ótti. Jıynda halyq qalaýlylary jambyldyq jastarmen ózara pikirlesip, jastarǵa arnalǵan túrli baǵdarlamalardyń tıimdiligin talqylady. Jıyndy júrgizip otyrǵan Gúlshara Ábdihalyqova búginde kóp jastardyń áli de jalqaýlyqtan aryla almaı otyrǵanyn, qaıta óz kásibin ashyp jatqan múmkindigi shekteýli jandardyń olarǵa úlgi bolý kerektigin aıtty.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Uqsas jańalyqtar