Aımaqtar • 24 Qańtar, 2020

Qaraǵandy temir jol bólimshesinde vagondar relsten shyǵyp ketti

121 retkórsetildi

Keshe keshkisin Qaraǵandy temir jol bólimshesine qarasty Qarabas stansasynyń «Qaraǵandy-Passajırskaıa-Jaryq» ýchaskesinde «Nur-Sultan – Jezqazǵan» baǵytyndaǵy №108 jolaýshylar poıyzynyń tórt vagony relsten  shyǵyp ketti, dep habarlady «Qazaqstan temir joly» UK» AQ-nyń baspasóz qyzmeti.

Poıyz vagondarynda 683 jolaýshy bolǵan, olardyń arasynda zardap shekkender joq.

Qazirgi tańda oqıǵa bolǵan jerde qalpyna keltirý jumystary uıymdastyrylǵan. Ýchaske boıynda poıyzdar toqtaýsyz júrip jatyr.

Mamandar poıyz vagondarynyń relsten shyǵyp ketýine kúrdeli meteorologııalyq jaǵdaı, ıaǵnı jol tabanyn basyp qalǵan omby qar jáne táýlik boıy toqtamaı soqqan boran sebepshi boldy degen boljam aıtady.

Qazirgi ýaqytta «Qazaqstan temir joly» UK» AQ-nyń arnaıy qurylǵan komıssııasy oqıǵanyń mán-jaıyn anyqtaý maqsatynda tekserý jumystaryn júrgizýde.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar