Aımaqtar • 24 Qańtar, 2020

Kókshetaýda saýda dúńgirshekteri buzylmaq

25 retkórsetildi

Oblys ortalyǵyndaǵy saýda dúńgirshekteri toqsanynshy jyldardyń basynda paıda bolǵan. Solardyń basym kópshiligi áli kúnge deıin saqtalyp qaldy. Búgingi kúni saýda salasyna tártip enip kele jatqandyqtan jergilikti atqarýshy bılik ókilderi shaǵyn dúńgirshekter qalanyń kórkin buzyp tur degen ýájben alyp tastamaq. Alaıda bul sheshimge kásipkerler qarsy.

Qala ákimdiginiń sheshimimen taıaý arada osyndaı dúńgirshekter buzylmaq. Olardyń birnesheýi qatar ornalasqan. Al qala boıynsha aýlalarda, kóshe boılarynda jeke-jeke turǵandary da az emes. Mamandar olardyń arasynda tıisti qujattary joq nysandar da kezdesedi deıdi. Saýdasyn toqtatqandary az emes. Aldyn-ala jasalǵan saraptama boıynsha shamamen 200 saýda dúńgirshigi alynyp tastalmaq.

Mundaı saýda dúńgirshekterinde negizinen azyq-túlik, jemis-jıdek jáne túrli taǵamdar satylady. Jóndeý jumystaryn isteıtinder de bar. Birneshe jyl buryn jyljymaly dúńgirshek alǵan Ivan Kozyrkov qazir táp-táýir tabys taýyp júr. Alaıda, jergilikti bıliktiń sheshiminen keıin ol erteńgi kúnine alańdap júr.

–Bul máseleni áli de jerine jetkize talqylaý kerek. Meniń qolymda barlyq qujattar bar. Kásibim zańdy. Osy ýaqytqa deıin barlyǵy durys boldy. Endi zań buzýshylyqtar paıda bola qalypty. Ol qalaı? Ákimdikti kelisip jumys isteýge shaqyramyn. Bul bizdiń kúnkórisimiz ǵoı, deıdi jeke kásipker Ivan Kozyrkov.

Qala turǵyndarynyń bul sheshimge qatysty pikirleri  alýan túrli. Birqatar qala turǵyndary bir toby shaǵyn jáne orta bıznesti damytý kerek dese, keıbireýler shynymen shahardyń sánin ketirip tur deıdi.

Bıyl Kókshetaýda óńiraralyq yntymaqtastyq forýmy ótpek. Oǵan deıin qalanyń kórkin buzyp, sáýletine saı kelmeıtin nysandardy ákimdik osylaısha joımaq nıette .

–Saýda pavılondary, dúńgirshekter qalanyń sáýletin buzyp tur. Sondyqtan osyndaı sheshim qabyldandy. Kásipkerlerge 24-inshi qańtarǵa deıin nysandardy buzatynymyz týraly habarlama joldadyq. Qazirgi ýaqytta jumys júrgizilip jatyr. Jerge qujattary bar menshik ıeleri de bar. Olarǵa biryńǵaı dızaın boıynsha dúńgirshekterdiń kelbetin ózgertý kerek, deıdi qalalyq sáýlet jáne qala qurylysy bóliminiń jetekshisi Baýyrjan Táshmetov.

Osylaısha, kásipkerlerge qańtardyń sońyna deıin ýaqyt berildi. Menshik ıeleri dúńgirshekterdi ózderi almasa, ákimdik májbúrli túrde buzýǵa kirispek. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar