Úkimet • 24 Qańtar, 2020

O.Orazalın: Aqtóbe oblysynda áleýmettik-saıası ahýal turaqty

37 retkórsetildi

Memleket basshysy Q. Toqaevtyń tóraǵalyǵymen ótken Qazaqstan Respýblıkasynyń Úkimetiniń keńeıtilgen otyrysynda Aqtóbe oblysynyń ákimi Ońdasyn Orazalın Aqtóbe oblysynyń 2019 jylǵy áleýmettik-ekonomıkalyq damý qorytyndylary týraly baıandady.  Bul týraly Premer-Mınıstrdiń baspasóz qyzmeti habarlady.

Onyń aıtýynsha, Aqtóbe oblysynda áleýmettik-saıası ahýal turaqty. О́tken jyldyń qorytyndysy boıynsha jalpy áleýmettik-ekonomıkalyq damýynyń barlyq kórsetkishterinde oń dınamıka qamtamasyz etilip, óńir ekonomıkasynyń ósimi 5% qurady. Inflıasııa deńgeıi 105,2% qurady. Shoǵyrlandyrylǵan bıýdjetke túsetin túsimderdiń rekordtyq deńgeıi belgilendi – 547 mlrd teńge. О́sim - 2,4%. 

О́ńir ákimi atap ótkendeı, «halyq únine qulaq asatyn memleket» tujyrymdamasyn saqtaý memlekettik baǵdarlamalardy iske asyrýdyń negizgi qaǵıdaty boldy.  Halyqpen kezdesýler, azamattardyń ótinishterimen turaqty jumys, áleýmettik jeliler monıtorıngi Aqtóbe oblysynyń turǵyndaryn tolǵandyratyn negizgi máselelerdi anyqtady.

«Jańa áleýmettik jáne ekonomıkalyq syn-tegerýinderdi eskere otyryp, biz óńirde óńirdiń qazirgi jaǵdaılarǵa qaraı ózgerýi jáne beıimdelýi jobasyn iske asyra bastaý týraly sheshim qabyldadyq. Ol ekonomıkanyń ósýi men azamattardyń qanaǵattanýyn arttyrýǵa, ınfraqurylymdyq jáne áleýmettik jobalardy iske asyrýda pragmatıkalyq jobalyq tásildi qoldanýǵa baǵyttalǵan óńirdegi memlekettik basqarý sapasynyń tásilderin ózgertýdi qarastyrady» dedi óńir ákimi. 

Oblysta transformasııa úshin azamattyq qoǵam, memlekettik sektor, iri, orta jáne shaǵyn bıznes, damý ınstıtýttarynyń ókilderi, sondaı-aq prezıdenttik jastar kadrlyq rezervindegi jastar tartyldy. 

Oblys elimizdegi asa mańyzdy strategııalyq toraptyń biri. О́tken jyly 350 shaqyrymǵa jýyq avtojol jóndeldi (onyń ishinde  285 shaqyrym jol - oblystyq jáne jergilikti mańyzy bar joldar). Bıyl 500 shaqyrymǵa jýqy joldy jóndeý josparlanǵan, oǵan 23 mlrd teńge bólindi (2019 j. – 19,7 mlrd teńge).

Aqtóbe halyqaralyq áýejaıyna erekshe kóńil bólinedi, Aqtóbe agolmerasııasyn damytýda onyń mańyzy zor. Oblys úshin mańyzdy máselelerdiń biri - óńirdiń kólik-logıstıkalyq áleýetin arttyrý úshin 3 halyqaralyq ótkizý pýnktin ashý. 

Ákimniń aıtýynsha, týý kórsetkishini joǵarylyǵy, turǵyndardyń dınamıkaly aǵymy, ekonomıka qarqynynyń ósýi búgingi tańda turǵyndar arasynda turǵyn úıge kóp suranys týdyryp otyr. Turǵyn úı alý jáne satyp alý kezeginde 30 myń adam tur, al Aqtóbe qalasynyń mańynda 150 myń azamat jeke turǵyn úı qurylysy úshin jer telimderine muqtaj.

«Biz 1 mln m2 (112,4%) turǵyn úıdi paıdalanýǵa berdik. Bıyl biz turǵyndardyń áleýmettik áljýaz toptaryna turǵyn úı kómegin kórsetýge basymdyq berýdi kózdeımiz. Aqtóbe aglomerasııasyn odan ári damytý máselesi jergilikti atqarýshy organdardyń erekshe baqylaýyna alynǵan. Bıyl biz gazben jáne sýmen qamtamasyz etý úshin aglomerasııanyń eldi mekenderine ınjenerlik-kommýnıkasııalyq jelilerdi júrgizýge basymdyq beremiz», — dedi óńir ákimi.

O. Orazalın atap ótkendeı, ınvestısııalyq ahýaldy jaqsartý jáne ınvestısııalar tartý aldaǵy ýaqytqa negizgi mindetter bolyp tabylady. Búginde Aqtóbe oblysynda jalpy óńirlik ónimge ınvestısııalar salý kólemi 20% quraıdy. Qazir «Evrazııa» AEA men «GOSB» túrik ınvestorymen birlesip Indýstrııalyq park qurylýda, bul qosymsha 500 mlrd teńge qarjy tartyp, keminde 15 myń jańa jumys ornyn qurýǵa múmkindik beredi.

«Investısııa tartý kezinde biz taǵy bir mańyzdy maqsatqa qol jetkizgimiz keledi, ol - sheteldik ınvestorlar úshin qolaıly ımıdj qalyptastyrý. Bul bıznes júrgizý men áleýmettik jaýapkershiliginiń joǵary standarttaryna ıe sheteldik ınvestorlardy tartý arqyly qamtamasyz etiletin bolady»,—  dedi ol.

Sonymen qatar óńirlik ǵylymdy damytýǵa jáne ekonomıkanyń ınnovasııaly deńgeıin arttyrýǵa joǵary kóńil bólinýde. Oblystaǵy iri kásiporyndar ǴZTKJ jylyna 5 mlrd teńge qarjy bóledi. 

Budan ózge, óńirdiń aldynda 2025 jylǵa deıin iri jáne usaq qara mal basyn 3 ese arttyrý mindeti tur.

«Osy mindetterdi sheshý úshin mal azyǵy bazasyn údemeli qarqynda arttyrý qajet bolady. Sondyqtan sýarmaly jerler kólemin 3,5 ese nemese 100 myń ga deıin kóbeıtýdi josparlap otyrmyz, bul ónimdilikti edáýir arttyrady», — dep túıindedi óńir ákimi. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Uqsas jańalyqtar