Qazaqstan • 26 Qańtar, 2020

Ǵylymı dıssertasııa qorǵaýǵa qoıylatyn jańa talaptar qandaı?

225 retkórsetildi

Dıssertasııany qorǵaý úshin qajetti basylymdarǵa qoıylatyn talaptardy ózgertý boıynsha QR BǴM buıryǵynyń jobasy daıyndaldy. Bul týraly Bilim jáne ǵylym mınıstri Ashat Aımaǵambetov Facebook paraqshasynda jazdy.

«QR BǴM №127 buıryǵyna sáıkes, doktorantqa qorǵaýǵa shyǵý úshin mindetti túrde 7 maqala jarııalaý kerek, bul rette sapasy boıynsha erekshe talaptar qoıylmaıdy. Nátıjesinde basty nazar tek sandyq kórsetkishke aýdarylyp, maqalalar sapasy kúmándi jýrnaldarda jarııalana bastaıdy. Keıin ǵalymdarymyzdyń maqalalary halyqaralyq bazalardan shyǵarylǵan belgisiz bir jýrnaldarda basylyp shyqqanda tań qalyp jatamyz. Álbette, qalyptasqan bul dástúrdi ózgertý kerek. Iаǵnı, suranysqa ıe emes «álsiz» jýrnaldarda maqalalardyń kóp jarııalanýyna qaraǵanda, bedeldi jýrnaldarda sapaly jarııalanymdar az shyqqany jaqsyraq dep anyq aıtýǵa bolady», - dep jazdy Ashat Aımaǵambetov.

Sondaı-aq mınıstrdiń aıtýynsha, áleýmettik-gýmanıtarlyq ǵylymdardyń damý deńgeıine sáıkes keletin gýmanıtarlyq jáne áleýmettik mamandyqtar úshin jekelegen talaptar qalyptastyrylatyn bolady.

«Dıssertasııalyq Keńes týraly Úlgilik erejege dıssertasııalyq Keńes múshelerine qoıylatyn talaptardy arttyrý jónindegi jańa norma engiziledi. Keńes músheleriniń keminde 2/3 bóliginde Hırsh ındeksi men resenzııalanatyn halyqaralyq ǵylymı jýrnaldarda keminde 3 jarııalanym bolýy tıis. Áleýmettik-gýmanıtarlyq baǵyttar úshin bul kórsetkishter tómen bolady», - dep jazdy mınıstr.

Sondaı-aq jazbada magıstrlik jáne doktorlyq dıssertasııalar jetekshilerine qoıylatyn talaptar da ózgeretini aıtylǵan.

«Eger búgingi tańda doktoranttan kúshti jýrnaldarda jarııalanym talap etilse, onda ǵylymı jetekshiniń de osyndaı jarııalanymdary bolýy tıis. Qazirgi ýaqytta is júzinde tıisti talaptar joq. Akademııalyq adaldyqty damytý, joǵary oqý ornynan keıingi bilim berý baǵdarlamalarynyń mazmunyn jańǵyrtý, magıstratýra men doktorantýraǵa qabyldaý, postdoktorantýra ınstıtýtyn damytý jáne t.b. máseleler aldaǵy ýaqytta jarııalanatyn bolady», - dep jazdy ol.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar