Qoǵam • 27 Qańtar, 2020

Dárigerlerdi qoldaýǵa shaqyrdy

105 retkórsetildi

Nur Otan partııasy Tóraǵasynyń birinshi orynbasary Baýyr­jan Baıbek bastaýysh partııa uıymdary ókilderimen kezde­sýinde partııanyń aldaǵy ýaqyttaǵy josparlarymen bólisti.

­Onyń aıtýynsha, Elbasynyń tapsyrmasy boıynsha Nur Otan partııasy Úkimetpen birigip jer­gilikti erekshelik pen halyq­tyń naqty qajettilikterin esep­ke ala otyryp, aımaqtyq baǵdar­lamalardy daıyndaý boıynsha júıeli jumys júrgizip jatqan kórinedi. Nurotandyqtar barlyq prob­lemasy kóp beketterdi, sonyń ishinde, shalǵaı aýdandar men aýyldardy qamtýdy josparlap otyr.

«Biz ár aýdan úshin partııanyń jeke baǵdarlamasyn ázirlegi­miz keledi. Jergilikti jerdegi máse­leler men suranystarǵa ba­sym­dyq bersek deımiz. Biz aldymen halyqtyń kóńili qalaıtyn naq­ty máselelerdi sheshkimiz keledi. Ekinshiden, biz kandıdat­tarymyzdy praımerız, ıaǵnı par­tııa ishindegi irikteý arqyly usyn­ǵymyz keledi. Munyń bar­lyǵy ashyq debat túrinde ótkizi­letin bolady. Sondyqtan Nur Otan partııasynyń mindeti – krea­tıvti oılaıtyn, ashyq-jar­qyn jandardy usyný. Sondaı-aq qyz-kelinshek­ter men jastardy belsen­di qol­dap, kótermeleımiz. Bul Elba­sy Nur­sultan Nazar­baev pen el Pre­zıdenti Qasym-Jomart Toqaev­tyń tikeleı tap­syr­masy. Áıelderdiń 30%-y men jastardyń 20%-y más­lı­hattardyń barlyq deńgeıinde bolýy tıis», dep atap ótti Baýyrjan Baıbek.

Partııalyqtarǵa arnap uıym­dastyrylǵan oqytý tre­nıng­terine qatysa otyryp, Nur Otan partııasy Tóraǵasynyń birin­shi orynbasary sondaı-aq jurt­shylyq dárigerlerge qatys­ty oqı­ǵalarmen áleýmettik jeli­ler­de bólise otyryp, aq halatty abzal jandardy qoldaýǵa shaqyrdy.

«Biz dárigerlerdi qoldaýy­myz qajet. Árkim dárigerlerdiń olar­dyń týystary men jaqyn­daryn qalaı qutqaryp qalǵany týraly áń­gimelesin. Bul óte kúrdeli moral­dyq qoldaý bolyp tabyla­dy. Jaǵdaıdyń 99%-ynda dári­gerler adamdarǵa kómektesip, olar­d­yń ómirin qutqaryp otyr, alaı­da keıbireýler sekildi óz­derin jarnamalamaıdy. Úndemeı ǵana jumys isteıdi. Sonymen qatar mu­ǵalimderdi, memleket­tik qyz­­­met­­kerlerdi, polısııa qyzmet­ker­lerin de qoldaýymyz kerek dep esep­teı­min. Tańerteńnen kesh­ke de­ıin ju­mys istep, keıde tipti otba­sy­laryna kóńil bólý­ge ýa­qyt­tary bolmaıdy», – dedi Baýyrjan Baıbek.

Aıta ketetin jaıt, partııalyq «qaıta jańǵyrý» aıasynda Saıası menedjment mektebi 10 myńnan astam nurotandyqqa arnap oqytý semınaryn bastady. Aımaqtyq fılıaldardyń, bastaýysh partııa uıymdarynyń ókilderi men partııa ishindegi qanat­qaqty kadr­lyq irikteý jeńimpazdary tul­ǵalyq quzyretti damytý, halyq­pen jáne azamattyq qoǵam ınstıtýttarymen tıimdi ózara áreket etý, daǵdarystyq baılanys jáne t.b. salada mashyqtaný deńgeıin arttyrý boıynsha trenıngterge qatysýda.

 

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar