Aımaqtar • 27 Qańtar, 2020

Shymkenttegi mamandandyrylǵan HQO-da 330 myń qyzmet kórsetildi

35 retkórsetildi

Úshinshi megapolıstegi mamandandyrylǵan halyqqa qyzmet kórsetý ortalyqtarynda 2019 jyly 326 641 memlekettik qyzmet kórsetildi. Onyń ishinde 47 391 azamatqa júrgizýshi kýáligin berilgen. Bul týraly «Azamattarǵa arnalǵan úkimet» memlekettik korporasııasynyń ókilderi málimdedi.

–Mamandandyrylǵan halyqqa qyzmet kórsetý ortalyqtarynda júrgizýshi kýáligin berý barysynda adamı faktor tolyǵymen alynyp tastaldy, - deıdi korporasııanyń Shymkent qalalyq fılıalynyń dırektory Danabek Isabekov. – Iаǵnı, júrgizýshi kýáligin alǵysy kelgen azamat kompıýterde test tapsyryp, teorııalyq synaqtan tıisti ball jınasa, júıe avtodromdaǵy praktıkalyq emtıhannan ótýge múmkindik beredi. Emtıhannan sátti ótken soń, test pen emtıhannyń nátıjeleri boıynsha barlyq aqparat júrgizýshi kýáligin daıyndaýǵa jiberiledi.

Aıta keteıik, Shymkentte 11 halyqqa qyzmet kórsetý ortalyǵy jumys isteıdi, onyń ishinde mamandandyrylǵan 3 HQKO jáne kóshi-qon qyzmetin kórsetý ortalyǵy bar.

Qazirgi ýaqytta Dostyq shaǵynaýdany jáne Q.Tólemetov kóshesindegi mamandandyrylǵan HQO-da azamattar óz avtokólikterin qaıta tirkep, júrgizýshi kýáligin ala alady. Buǵan qosa praktıkalyq emtıhan tapsyrýǵa bolady. Sondaı-aq, mamandandyrylǵan HQO ǵımaratynda júrgizýshi kýáligin alý úshin medısınalyq tekserýden ótýge bolady. Kún saıyn bul ortalyqtarda 200-ge jýyq júrgizýshi kýáligi berilip, ortasha eseppen 1000-nan astam kólik quraly esepke alynady.

Otandastarymyz mundaı memlekettik qyzmetterdi eshqaıda barmaı-aq, onlaın ala alady.       
–Mysaly, birqatar memlekettik qyzmet túrleri «Elektrondy úkimet» portalynda qarastyrylǵan. Egov.kz portalynda tirkelgen qoldanýshylar júrgizýshi kýáligin onlaın aýystyryp, avtokóligin qaıta tirkeı alady, deıdi fılıal dırektory Danabek Isabek.

Dál osy tártippen jyl basynan beri 4 myńnan astam avtokólik onlaın tirkelip, 7 761 azamatqa júrgizýshi kýáligi berildi.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar