Abaı • 27 Qańtar, 2020

Chehııada «Abaı» mádenı-aqparattyq ortalyǵy ashyldy

469 retkórsetildi

Alty Alashtyń ǵana emes, adamzatqa ortaq oıshyl, Abaı hakimdi óz deńgeıinde ulyqtaý bizdiń buljymas paryzymyz bolsa kerek. Muny Prezıdent Qasym-Jomart Toqaev «Abaı jáne HHI ǵasyrdaǵy Qazaqstan» atty maqalasynda aıryqsha atap ótkenin bilemiz.

Baǵdarlamalyq maqalada aıtylǵandaı, aqyn muralary el ishinde ǵana emes, shet memleketterde de keńinen nasıhattalǵany durys. Bul oraıda elordadaǵy Ulttyq akademııalyq kitaphana Mádenıet jáne sport, Syrtqy ister mınıstrlikterimen jáne shet memleketterdiń birneshe elshiligimen birlese otyryp «Abaı» mádenı-aqparattyq ortalyǵyn ashý jobasyn qolǵa aldy. Pedagogıka ǵylymdarynyń doktory, professor, Ulttyq akademııalyq kitaphanasynyń basshysy Úmithan Dáýrenbekqyzynyń bastamasymen júzege asyp otyrǵan ıgi shara eń aldymen eýropanyń eń kóne de kórikti qalalarynyń biri Pragada, Klementıným atyndaǵy Ulttyq kitaphanada bastaldy.

Ortalyqtyń tusaýkeser rásimine Chehııanyń birqatar zııaly qaýym ókili, elshiliktiń laýazymdy tulǵalary, sondaı-aq, elimizden barǵan bir top delegasııa qatysty.

Sharanyń shymyldyǵyn Qazaqstan Respýblıkasynyń Cheh Respýblıkasyndaǵy Tótenshe jáne О́kiletti Elshisi Marat Tájın ashyp berdi.

«Biz Abaı atamyzdyń mereıtoıyn memleket aıasynda ǵana emes, shet elderde de nasıhattaýdy qolǵa alyp otyrmyz. Bul rette Cheh ulttyq kitaphanasyna rızashylyǵymyzdy bildiremiz. Sonymen qatar elimizden kelgen úlken delegasııaǵa alǵys aıtqymyz keledi. Abaı óleńderine, qara sózderine, derekti qujattarǵa, aýdıo, vıdeo materıaldarǵa toly úlken ortalyq Abaı taǵylymymen qosa qazaq ultynyń da dástúr-salty men ádep-ǵurpynan kóp aqparat beredi. Úsh aıdyń aıasynda Abaımen baılanysty tarıhı-mádenı qarym-qatynas eki el arasynda aıryqsha arta túsedi. Biz Altyn Pragadaǵy barlyq dosymyzǵa rahmet aıtamyz» dedi elshi Marat Tájın. 

Elimizden barǵan delegasııanyń ókili, Qazaqstan Jazýshylar odaǵynyń tóraǵasy Ulyqbek Esdáýlet te saltanatty sharaǵa arnaıy qatysyp, jańa ortalyqtyń ádebı-mádenı mańyzyna erekshe toqtalyp ótti. О́z sózinde aqyn Ulyqbek Esdáýlet osy iske muryndyq bolǵan azamattarǵa alǵysyn bildirdi.

«Ár ulttyń týyna, mórine aınalatyn tulǵalar bolady. Solardyń biri – Abaı hakim. Biz Abaı arqyly ózimizdiń ulttyq qundylyqtarymyzdy baıytyp kelemiz. Eýropa tórinde Abaı taǵylymy qanat jaıǵan bundaı sharalar jańa urpaqqa úlken ónege syılaıdy» dedi aqyn U.Esdáýlet.

Júrekjardy lebizinen keıin Jazýshylar odaǵynyń tóraǵasy Chehııa ulttyq kitaphanasynyń dırektory  M.Kosandro men Chehııadaǵy elshi Marat Tájınge bıyl Almaty qalasynda basylyp shyqqan «Abaı» atty erekshe kúntizbeni syıǵa tartyp, Martın myrza men Abaıdyń qara sózderin cheh tiline tárjimalap jatqan kınorejısser, dramatýrg Vladıslav Kýıchektyń ıyǵyna shapan japty.

1

 

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar