Hokkeı • 27 Qańtar, 2020

«Barystyń» qarqyny qatty

170 retkórsetildi

«Barys» qurlyqtyq hokkeı lıgasyndaǵy kezekti oıynynda Reseıdiń Ekaterınbýrg qalasynda jergilikti «Avtomobılıst» komandasymen kezdesti.

 

Aıdyn ıeleri oıyn barysynda sol ketken eseni qaıtarýǵa kúsh salǵan edi. Oǵan qazaqstandyq hokkeıshiler múmkindik bergen joq. Elordalyq klýb alǵashqy mınýttan shabýyl shebinde senimdi oıyn kórsetti. Birinshi kezeńniń 15-mınýtynda «Barys» shabýylshysy Korban Naıt mergendigimen kózge tústi. Budan keıin qos komanda tarapynan esepti ózgertetin qaýipti sátter kezdesken edi. Alaıda tablodaǵy esep sol kúıinshe qaldy. Ekinshi kezeńniń 21-mınýtynda «Avtomobılıst» tarazy basyn teńestirip ketken edi. Bul goldy Rafael Batyrshın óziniń enshisine jazdy. Budan keıin «Barys» sapynan Nıkıta Mıhaılıs 31, Lınýs Vıdell 38-mınýttarda mergendik kórsetti. Al 54-mınýtta reseılik Evgenıı Mozer esep aıyrmasyn qysqartty. Oıynnyń bitýine 21 sekýnd qalǵanda qarsylas komanda bos qaqpasyna Naıdjel Doýs gol soǵyp ketti. Osylaısha «Barys» 4:2 esebimen jeńiske jetti. Elordalyq klýb jalpy týrnır kestesinde altynshy orynǵa kóterildi. Al shyǵys konferensııasynda jáne Chernyshev dıvızıonynda óz ornyn saqtap qaldy.

 

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar