Qoǵam • 28 Qańtar, 2020

Sary nómir beriletin boldy

371 retkórsetildi

Keshe Ortalyq kommýnıkasııalar qyzmeti alańynda Eýrazııalyq ekonomıkalyq odaq elderinen Qazaqstanǵa ákelingen avtokólikterdi ýaqytsha tirkeý jáne esepke qoıý máselesine arnalǵan baspasóz konferensııasy ótti.

Jıynǵa Ishki ister mınıstriniń birinshi orynbasary Marat Qojaev, Saý­da jáne ıntegrasııa vıse-mınıstri Janel Kýshýkova, Qarjy mınıstrligi mem­lekettik kirister komıtetiniń tó­ra­ǵasy Marat Sultanǵazıev qa­tys­ty. Atalǵan vedomstvo ókilderi daý­ly má­se­lege baılanysty birlesip atqa­ryp jat­qan jumystardyń jaı-jap­sa­ryn baıandady.

Ishki ister vıse-mınıstri Marat Qo­­jaevtyń aıtýynsha, EAEO el­de­ri­­nen ákelinip, Qazaqstanda ýaqytsha tir­­­kelgen kólikterge «18» degen sıf­ry bar arnaıy sary nómirler be­ri­le­­di.

– Ýaqytsha tirkeý úshin kólik ıe­leri jeke kýáligin, kóliktiń bu­ryn­ǵy memlekettik nemese tranzıttik nómirin, tirkeý týraly kýáligin, men­shik quqyn rastaıtyn qujattaryn, so­nymen qatar bastapqy tirkeý baj tó­le­miniń túbirtegin, memlekettik nómir men tehnıkalyq pasport daıyndaǵany úshin baj tóleminiń túbirtegin ákelýi kerek. Kólik ıelerine qoıylyp ot­yr­ǵan shart óte qarapaıym, bir jyl ishinde atalǵan avtokólikti zań­dastyrýǵa, ýtılızasııa alymyn jáne kedendik baj salyǵyn tóleýge múmkindik berildi, – dedi ol.

О́tken aptada Úkimettiń keńeı­til­gen otyrysynda Mem­leket basshy­sy Úkimetke el zańnamasyn buza otyryp shetelden avtokólikterdiń ákelinýine, paıdalanylýyna shekteý qoıýdy tapsyrǵany belgili. Prezıdent bul  týraly: «Elimizge ákelingen mundaı avto­mo­­bıl­derdiń kópshiligi tirkeýge qo­ıyl­maı­dy. Ondaı kólikter sany – ondaǵan myń. Bas prokýratýraǵa qa­lyptasqan jaǵdaıǵa baılanys­ty quqyqtyq baǵa berýdi tapsyramyn. Atalǵan máseleni sheshý úshin Úkimet Qazaqstanǵa Eýrazııa­lyq eko­no­mıkalyq odaqqa múshe elderden 2020 jyldyń 1 aqpanyna deıin áke­lin­­gen avtomobılderdi bir aıdyń ishinde bir rettik tártippen ýaqytsha tir­keýdi qamtamasyz etýi qajet. Bul avto­­kólikterdi tirkeý 2021 jyldyń
1 naý­­ryzyna deıin jalǵasady», degen bo­latyn.

 Ishki ister vıse-mınıstriniń aı­týyn­­sha, sary tústi, «18» sıfry ja­zyl­ǵan nómirler Prezıdent aıtqan merzimge, ıaǵnı kelesi jyldyń 1 naý­ryzyna deıin jaramdy. Eger azamattar soǵan deıin joǵaryda aıtylǵan tirkeý sharalaryn jasamasa, nómirler odan keıin jaramsyz dep tanylyp, polısııa ondaı kólikterdiń el aýmaǵynda júrýine shekteý qoıady.

Sary tús pen 18-aımaq degendi bildiretin arnaıy sıfr Ishki ister mınıstrligine atalǵan avtokólikterdi basqa kólikteriń arasynan ońaı ajyratyp, sanyn, qozǵalysyn baqylap otyrýdy jeńildetý úshin jasalǵan. Bir jyl ishinde kóligin tirkeýge qoımaǵan jaǵdaıda ıesi arnaıy nómirdi qaı­ta­ryp, kóligin el aýmaǵynan basqa jaqqa áke­te alady.

Ishki ister vıse-mınıstriniń aı­týyn­sha, búgingi tańda elimizde tir­kel­gen avto­kólikterdiń jalpy sany 4 mln 200 myń­nan asady.

– Osy 4 mln 200 myńnan astam avto­kóliktiń ıeleri Qazaqstannyń zańnamasynda qarastyrylǵan salyq­tardy, baj salyǵyn tóleıdi. Osy alym-salyqtan quralǵan qarjy halyqtyń áleý­mettik qajettilikterine, jol, kópir syndy ınfraqurylym salýǵa jum­sa­la­tynyn jaqsy bilesizder. 4 mln 200 myń adam áleýmettik mindettemelerin oryndap keledi. Al qalǵan birneshe ondaǵan myń avtokóliktiń ıesi bol­sa Qazaqstan aýmaǵyndaǵy joldarmen júredi, qorshaǵan ortaǵa zııandy qaldyqtardy shyǵarady, biraq áleýmettik min­det­temelerdi oryn­da­ǵy­sy kelmeıdi. Bul ádil me? Biz kóp­shi­­liktiń múddesin qorǵaýymyz kerek, – dedi Marat Qojaev.

Jalpy, Armenııadan elimizge áke­lin­gen kólikterdiń sany 22 myńǵa jýyqtaıdy. Qyrǵyzstan men Reseı­diń árqaısysynan 15 myńǵa tarta avto­kólik kelgen. Qazirgi tańda Qarjy mınıstrliginiń Memlekettik ki­ris­ter komıteti men Ishki ister mı­nıs­­trligi birlesip, kóligin tirkeýge nıet­ti azamattarǵa yńǵaıly jaǵdaı ja­saý úshin «Jolda qabyldaý» res­pýb­lıkalyq aksııasyn júzege asyrý­da. Aksııa aıasynda eldiń barlyq aıma­ǵynda polısııanyń 516 keńes berý pýnkti ashylyp, sheteldik kólik quraldaryn tirkeýge qatysty keńes berilip jatyr.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar