Medısına • 28 Qańtar, 2020

Qazaqstanda koronavırýsty juqtyrǵandar joq

46 retkórsetildi

Memleket basshysy Qasym-Jomart Toqaev Twitter-degi paraq­shasynda: «Úkimetke Qy­taıda paıda bolǵan koronavırýstyń Qa­zaq­stan aýmaǵyna taralýyna jol bermeý jóninde naqty uıym­dastyrý sharalaryn qabyldaý tapsyryldy», dep jarııalaǵan edi. Mınıstrler kabı­neti Prezıdenttiń málim­demesinen keıin arnaıy keńes ótkizip, Úkimet basshysy Asqar Mamın birqatar keshendi sharalardy qabyldaýdy tapsyrǵan bolatyn.

El azamattaryn jedel res­pıra­torlyq aýrýlardan, onyń ishin­de koro­navırýstyq ınfeksııadan qor­ǵaý jáne aldyn alý salasyndaǵy jumysyn úılestirý maqsatynda keshe Densaýlyq saqtaý mınıstrliginiń epıdemıologııalyq ahýal jó­nin­degi shtaby óz jumysyn bastady. Atap aıtqanda, qor­ǵanys kostıýmderin, arnaıy jabdyqtardy jáne qyzý túsir­gishterdi óndirýdi, satyp alýdy ulǵaıtý sharttary jarııalandy. UQK Shekara qyzmetimen bir­lesip, Qazaqstanǵa Qytaı aýmaǵynan kiretin azamattardy tirkeýdiń biryńǵaı málimetter bazasyn qurý jumystary júrgizilýde. Mınıstrliktiń baspasóz qyzmetiniń habarlaýynsha, vırýstyq ınfeksııa belgileri bar adamdarǵa tolyq genomdyq júıelilik kómegimen dıagnoz qoıýdyń tehnıkalyq múmkindigi qarastyrylǵan. «SQ-Farmasııamen» birge vırýsqa qarsy jáne basqa dárilerdiń rezervin arttyrý da kózdelgen. Sondaı-aq aýrýhanalardaǵy tósek sanyn kóbeıtý týraly sheshim qabyldandy.

Arnaıy brıfıng ótkizgen elimizdiń bas sanıtarlyq dá­ri­geri Jandarbek Bekshın Qa­zaq­standa koronavırýsy­men tirkelgenderdiń joq ekenin aıtty. Onyń aıtýynsha, Qy­taıdan jáne basqa elderden kelgen azamattar arnaıy medısınalyq baqylaýdan ótip, 14 kún dárigerdiń baqy­laýynda bolady. «Bizdiń el­shilikterimiz Qytaı Ha­lyq Res­pýblıkasyndaǵy qazaq­standyq stýdenttermen tyǵyz baılanysta. Ýhan qalasynda 94 stýdent bar. Qytaı  bıligi tikeleı tapsyrma berdi. Olarǵa azyq-túlik, medısınalyq kómek, konsýltatıvtik keńes berý jumystaryn júrgizý qarqyndy júrip jatyr. Bul jumys ýnıversıtetterdiń birinshi basshylaryna júktelgen», dedi Jandarbek Bekshın.

Biz áleýmettik jeli arqyly Ýhan­daǵy Qytaı geologııa ýnıver­sıtetiniń magıstranty, jerlesimiz Maǵjan Beısendi taptyq. Onyń aıtýynsha, atal­ǵan ýnıversıtette 20-ǵa jýyq qazaqstandyq stýdent bilim alady. Negizinen barlyǵy qysqy kanıkýlda elge oralǵan. Alaıda úsh dosy sonda shyǵa almaı qalyp qoıǵan eken. «Men Ýhannan 6 qańtar kúni kettim. Ol kezde jaǵdaı qazirgideı emes, turaqty edi. Qazir sondaǵy dostarymmen sóılesip otyrmyn. Qudaıǵa shúkir, eshqaısysy bul indetke shaldyqqan joq. Qazir qala múlde jabyq, tipti Hýbı provınsııa­syna eshkimdi kirgizbeı jatyr eken. Transport toqtatylypty. Úsh dosym sonda. Qazir jataqhanada eken. Azyq-túlikti jetkilikti alǵandaryn aıtty. Dúkenderge shyǵa alady. Qystyq kanıkýl ýaqyty 16 aqpanǵa deıin edi. Biraq qazirgi jaǵdaıǵa baılanysty demalys taǵy da uzartylady dep jatyr. Ázirge naqtylanǵan joq», deıdi ol. 

25 qańtarda Almaty qala­sy­nyń áýejaıynda «Ystan­bul – Ýhan – Ystanbul» baǵytyn­daǵy TCCJ char­terlik reısi aıal­daǵan bolatyn. Aqparat quraldarynda bortta koronavırýsyn juqtyrǵan jolaýshynyń bar ekeni tarady. Halyqty dúrliktirgen aqparatty teriske shyǵarǵan Jandarbek Bekshın: «Onda vırýs juqtyrǵan jo­laýshynyń bolǵandyǵy týraly aqparat joq. Halyqaralyq algorıtm boıynsha ushaq bizdiń áýejaıǵa qondy jáne bizdiń baqylaýymyzda boldy. Odan keıin ushaq sanıtarlyq qonýǵa jiberildi. Onda janarmaı toltyryldy, bul ushaqtyń bir de bir ushqyshy nemese jolaýshysy Qazaqstan aýmaǵyna kirgen joq», dedi.

Halyqaralyq reısterdi oryndaıtyn «Eır Astana» áýe kompanııasynyń baspasóz qyzmeti Qytaıǵa reıster kes­te boıynsha oryndalyp jat­­qanyn habarlap otyr. «Ko­ronavırýstyń aldyn alý úshin «Eır Astananyń»  jolaýshylary Qytaı qalalaryndaǵy jáne Almaty men Nur-Cultan qalalaryndaǵy áýe­jaılarda teplovızordan mindetti túr­de ótedi. Qytaı bıligi shetelge týrıs­tik toptardy jiberýdi toq­tat­ty. Nátıjesinde Úrimshi, Beıjiń jáne Gonkong qalalarynyń týrıs­tik toptary halyqaralyq reısterge, sonyń ishinde «Eır Astana» áýe kompa­nııasynyń Qazaqstanǵa já­ne basqa da baǵyttary boıynsha bı­let­terin qaı­tarýda. Osy baǵytta (Úrim­shi, Beıjiń, Gonkong) ushatyn jolaýshylardyń alań­daý­shylyǵyn eskere otyryp, «Eır Astana» baǵytty ózgertýdi, bı­letti qaıta brondaýdy nemese qaıta­rýdy aıyppulsyz júzege asyrady», delingen habarlamada. 

Al Qytaı bıligi aýrýdyń sát saıyn órship bara jatqa­nyn habarlady. Qytaı Ha­lyq Respýblıkasynyń Ult­tyq densaýlyq saqtaý komıs­sııasynyń tóraǵasy Ma Szıaoýı Beı­jińdegi baspasóz konferensııasynda koronavırýstyń sıpaty týraly aqparattyń mardymsyz ekenin, onyń mýtasııasymen baılanysty aldyn ala qaýip-qaterlerin boljaý qıynǵa túsip otyrǵanyn aıtty. Sońǵy derekterge súıensek, 81 adam qaıtys bolǵan. Qazirge deıin 2823 adam juqtyryp, onyń 58-i jazylyp shyqqan. Al  juqtyrǵan bolýy múmkin degen kúdikti adamdardyń sany 6 myńǵa jýyqtap qaldy.

4

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar