Álem • 28 Qańtar, 2020

Qytaı vırýsy: qaza bolǵandar sany 106-ǵa jetti

117 retkórsetildi

Qytaı ókilderi jańa koronavırýstan qaıtys bolǵandar sany 106 adamǵa jetkenin aıtty, al vırýsty juqtyrǵandar eki ese kóbeıgen.

Foto: BBC

Sońǵy derekterge sáıkes, Qytaıda indetti 4 515 adam juqtyrǵany belgili boldy. Bul bir kún burynǵy kórsetkishten 2835 adamǵa kóp. 

Elde vırýspen kúresý maqsatynda saıahatqa qatysty talaptar kúsheıgen.  

Koronovırýs taraǵan aımaq retinde Ýhan qalasy men Hýbeı provınsııasynyń aınalasy qatań baqylaýǵa alynǵan, qaladan kirip-shyǵýǵa bolmaıdy.

Indet aýyr respıratorlyq vırýstyq ınfeksııa týdyrady, al ony emdeýdiń arnaıy joly ne oǵan qarsy vaksına joq. 

Qaıtys bolǵandardyń kóbi egde jastaǵy turǵyndar men osyǵan deıin tynys alý jolyna baılanysty shaǵymdary bolǵan naýqastar.

Indetke baılanysty Qytaı jańa jylyn toılaýǵa arnalǵan sharalar toqtatylǵan jáne vırýstyń beleń alýyn azaıtý maqsatynda meıramǵa beriletin arnaıy demalys kúnderi jeksenbige deıin sozyldy.

11 mıllıon halqy bar Ýhan qalasynda barlyq qozǵalys toqtatylǵanyn aıtqan edik. Degenmen, qala basshylyǵynyń aıtýynsha, mıllıonnan astam turǵyn meıramǵa jáne qatań tártipke deıin ózge jerlerge saıahattap ketken.

Qytaıdyń ózge de iri qalalary qoǵamdyq kólikterdiń jumysyn toqtatqan. Sondaı-aq Shanhaı men Gonkongta ornalasqan Dısneılend oıyn-saýyq ortalyǵy ýaqytsha jabyldy.

Dúnıejúzilik Densaýlyq saqtaý uıymynyń (World Health Organization) málimetinshe, álemniń ózge elderinde 47 jaǵdaı tirkelgen. 

Qazaqstannyń densaýlyq saqtaý ókilderi elimizde indetti juqtyrǵandar joq ekenin jáne aldyn alý sharalary jolǵa qoıylǵanyn jetkizdi.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar