Qazaqstan • 28 Qańtar, 2020

200 teńgelik moneta aınalymǵa shyqty

124 retkórsetildi

Qazaqstan Respýblıkasynyń Ulttyq Banki 2020 jylǵy 28 qańtarda 2020 jylǵy úlgidegi nomınaldyq quny 200 teńgelik monetalardy aınalymǵa shyǵardy. Bul týraly Ulttyq bank baspasóz qyzmeti habarlady.

Ulttyq bank  málimetine sáıkes, monetalardyń dızaıny memleket basshysynyń 2018 jylǵy 12 jeltoqsandaǵy Jarlyǵymen bekitilgen Ulttyq valıýta – Qazaqstan teńgesi banknottary men monetalary dızaınynyń tujyrymdamasyna sáıkes oryndalǵan.

«Bıkolorly aınalystaǵy monetalar dızaınynyń stılıstıkasynda shyǵys jáne batys mádenıetteriniń kórkemdik elementteriniń úılesimi bar. Monetalardyń syrtqy saqınasy neızılberden jasalǵan, ishki dıski nıkeldi jezden daıyndalǵan. Qyry tegis jáne bederli sektorlarmen kezektesip otyratyn 16 oıyqpen bederlengen», - delingen habarlamada.

Monetalardyń syrt jaǵynda (reversinde) ortalyq bóliginde memlekettik Eltańba, aınaldyra emıtent eldi bildiretin «QAZAQSTAN RESPÝBLIKASY» degen jazba beınelengen. Monetanyń tómengi jaǵynda soǵylǵan jylyn bildiretin «2020» degen jazý bar.

Monetalardyń bet jaǵynda (aversinde) ortalyq bóliginde nomınalyn bildiretin jáne nomınal sıfrynyń keskinin qaıtalaıtyn kóldeneń syzyqtar bederi aıasynda oryndalǵan «200» degen jazý bar. Monetanyń joǵarǵy jáne tómengi bólikterinde – tik syzyqtar túrinde oryndalǵan oıý-órnek keskinderi beınelengen.

Monetanyń tómengi bóliginde – taramdalǵan syzyqtar aıasynda oryndalǵan, ulttyq valıýtanyń mátindik ataýyn bildiretin «TEŃGE» degen jazý. Monetanyń sol jaq bóliginde QAZAQSTAN ULTTYQ BANKI emıtent bankti bildiretin «QUB» abbrevıatýrasy bar. Monetanyń oń jaq bóliginde – Qazaqstan teńge saraıynyń taýar belgisin baıqaýǵa bolady.

Aıta ketý kerek, nomınaly 200 (eki júz) teńgelik banknottar zańdy tólem quraly bolyp qalady jáne aınalystan tabıǵı tozý shamasyna qaraı alynady.

Sońǵy jańalyqtar

Satıralyq shyǵarmalar baıqaýy bastaldy

Rýhanııat • Búgin, 18:43

Áskerge barý da keıinge qaldyrylǵan

Aımaqtar • Búgin, 18:33

iPhone 12 Pro renderi shyqty

Tehnologııa • Búgin, 18:31

Petropavlda eki ury qolǵa tústi

Aımaqtar • Búgin, 18:07

Epıdemııa jeńipmazy – bulttyq esepteýler

Tehnologııa • Búgin, 17:22

Shymkentte barlyq avtobeketter jabyldy

Aımaqtar • Búgin, 17:17

Búgin: Almatyda 22 indet oshaǵy bar

Aımaqtar • Búgin, 17:05

Almatyda urlyq-qarlyq eki ese azaıdy

Aımaqtar • Búgin, 15:55

Batys Qazaqstanda qozǵalys shekteledi

Aımaqtar • Búgin, 15:34

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Uqsas jańalyqtar