Aımaqtar • 28 Qańtar, 2020

Qys qysymyn adam kúshi jeńýde

46 retkórsetildi

Bıyl «kári qudań» Soltústikte de álek salyp tur. Oblys aýdandarynan alynyp jatqan habarlarǵa qaraǵanda qardyń joldardy jaýyp, borannyń kóz ashyrmaı turǵan kezderi kóp.

Bir qyzyǵy oblys ortalyǵynyń óz basynda kóz kórmegen, qulaq estimegen boran joq. Astanalyq balalar úıden shyǵa almaı jatsa qyzyljarlyq balapandar tompańdap, sabaqtarynan qalmaı júr. Biraq kúrt jaýmasa da qar kúnde 7-8 sm jaýady. Osynyń ózi aýanyń da, qalanyń da taza bolyp, úıge kirgiń kelmeıdi. Sýyq ta shekten shyqqan emes, kóp bolǵanda 15-16 gradýstan aspaı tur. Biraq alys aýdandardan kelip jatqan habarlar máz emes.  

Keshe ǵana oblystyń tótenshe jaǵdaılar qyzmetiniń bastyǵy, azamattyq qorǵaý polkovnıgi Ramıl Kamalov jýrnalısterge brıfıng berip, oblys joldaryndaǵy jaǵdaımen jáne qutqarý jumystarynyń qadamdarymen tanystyrdy.  Qańtardyń 23 men 26 aralyǵynda oblys joldarynda 25 jerde qar úıilýdiń saldarynan qatynas bolmaı qalǵan. Tótenshe jaǵdaılar jónindegi qyzmetke túsken dabyldyń arqasynda 149 adam qutqarylypty. Sonyń ishinde 61 adamǵa medısınalyq kómek kórsetilgen. Borannyń uıytqýy ásirese 26 qańtar kúni qatty bolyp, osy kúni 27 adam qutqarylyp, 14 jeńil máshıne qar qursaýynan shyǵarylǵan. «Qutqarý operasııalaryna barlyǵy 123 adam men 59 tehnıka qatystyryldy. Tehnıkalar jalǵyz TJ qyzmetiniń emes, polsııa departamentinen, jol qyzmetterinen jáne turǵyndardyń jeke kólikteri arasynan da tartyldy. Jergilikti bılik organdary da qutqarý operasııalaryna belsendi qatysýda», dedi polkovnık.   

Búginge deıin oblystyń Aıyrtaý, Ǵ.Músirepov, Shal aqyn jáne Tımırıazev aýdandaryndaǵy jaǵdaılar qıyndyq týǵyzýda. Bular aýmaǵy jaǵynan oblystyń ońtústik aýdandaryna jatady. Qazir osy aýdandardyń bárinde qar qursaýyna túskenderdi jylytyp, tamaq berý pýnktteri ashylǵan eken.

Barlyq oblys turǵyndarynyń smartfondaryndaǵy «Dármen» qosymshasyna tótenshe jaǵdaı týraly aqparat úzilissiz túsip turady. Alaıda keıbir adamdar olardyń eskertpesine qulaq aspaı, jolǵa shyǵyp ketedi.

Polkovnık R.Kamalov bıylǵy qys túskennen beri oblys joldarynda barlyǵy 53 tótenshe jaǵdaı bolǵanyn jetkizdi.  Sonyń ishinde 36 jaǵdaıda qarǵa kómilip qalǵan avtomobılder qazylyp alynǵan. 10 ret bıik joldan túsip ketken kólikter súırep shyǵarylǵan. Barlyq qutqarylǵan adamdar sany 411, sonyń ishinde 43 bala. Qudaıǵa shúkir, adam shyǵyny bolǵan emes.

«Qazavtojol» UK Soltústik Qazaqstan oblystyq fılıaly da óz jumystaryn tyńǵylyqty atqarýda. Árıne, qar qalyń jaýyp, boran kózsiz boraǵan jerlerge olardyń qoly tolyq jetpeı jatqan kezderi bolady. Biraq adamdar turyp qalýy múmkin degen tustar únemi baqylaýda ustalady eken. Bul týraly atalmysh kásiporynnyń ókili baıandap berdi.

Jeksenbi kúni Ǵabıt Músirepov aýdanynda qar qursaýynda 11 adam qalyp, olardyń bári aman-esen aýdan ortalyǵy «Novoıshımskıı» selosyna jetkizilgen. Sonyń ishinde «Novoselovka – Shuqyrkól» baǵytynda «Mısýbısı Padjero» jáne «VAZ 2106» avtomobılderi baratyn jerlerine 10 shaqyrym qalǵanda qar tutqynyna qatar túsken. Jolaýshylar smartfondarymen dabyl qaǵyp, ózderi qaýipsizdik nusqaýlyǵyna sáıkes peshi jyly «Mısýbısıdiń» ishine kirip otyrǵan. Dabyl túsken boıynda olardy qutqarýǵa TJ-nyń «TREKOL» atty batpaıtyn úlken mashınasy jiberilgen. «Jol óte aýyr boldy. Kóz ashyrmaǵan borannan kórinis bir metrden aspaıdy. Bizdiń bar armanymyz qar kómip tastamaı turǵanda mashanalardy tabý boldy. Soǵyp ketpes úshin olarǵa qatty júrip barýǵa da bolmaıdy, sóıtip kóp azappen, aqyryn júrip baryp taptyq-aý. Aldymen adamdardy jyly kabınamyzǵa mingizip, jylytý pýnktine jetkizdik», deıdi TJ aýdandyq bóliminiń ınjeneri, maıor Meıram Ǵabdýsalám.

Mundaı oqıǵalar búginderi TJ qyzmetkerleriniń kúnbe-kúngi áreketterine aınalǵan.   

1

Al myna rızashylyq hat Ramıl Kamalovtyń atyna qutqarylǵan Maqsat Shopanovtan kelgen eken. «Sizdiń M.Jumabaev aýdany Tótenshe jaǵdaılar bóliminiń qyzmetkerleri bas maman D. M. Shýrmanbaevqa, aǵa ınjener K. J. Kashenovke jáne SQO TJD «112» jedel kezekshisi Janat Sabıtke úlken rızashylyǵymdy bildiremin, olar meni  jáne meniń otbasymda qıyndyqta japadan jalǵyz qaldyrmady», delingen onda. Ylaıym osyndaı alǵystar kóp bolǵaı.  

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar