Qoǵam • 28 Qańtar, 2020

Kásipodaqtar federasııasynyń qatary tolyǵyp jatyr

29 retkórsetildi

Qazaqstan Respýblıkasy Kásipodaqtar federasııasynyń qatary tolyǵyp jatyr. Bul týraly federasııanyń baspasóz qyzmeti habarlady. 

Bas keńes músheleri federasııa quramyna 15 myń kenshini, «Arselor Mıttal Temirtaý» AQ Kómir departamentiniń jumysshylaryn biriktirip otyrǵan jańa «Qazkómirkásipodaǵy» kómir óndirýshiler salalyq kásipodaǵyn qabyldady.

Kenshilerdiń «Qazkómirkásipodaǵy» jańa kásipodaǵy 2001 jyly qurylǵan «Qorǵaý» kómir óndirýshiler kásipodaǵy bazasynda quryldy. Onyń tóraǵasy Marat Mırgaıazov Kásipodaqtar federasııasy kenshilerdiń quqyǵyn árqashan qorǵap otyratynyn atap ótti. 

«Biz Kásipodaqtar federasııasymen birge ekenimizdi árqashan sezinemiz. KF arqasynda kenshilerdiń kóptegen máselesi óz sheshimin tapty», – dep atap ótti M.Mırgaıazov.

О́z kezeginde KF tóraǵasy Eraly Toǵjanov eńbek adamynyń quqyǵyn qorǵaýdaǵy kásipodaqtardyń rólin aıryqsha atap ótti.

«Qazaqstandyq kenshiler eń qaýipti jáne aýyr eńbek jaǵdaıynda jumys isteıdi. Osy oraıda olar óz quqyqtarynyń senimdi qorǵalýyn qajet etedi. KF múshe uıymdardyń aldynda turǵan basty mindet - laıyqty eńbek sharttaryn qurý, turaqty jalaqy jáne qarapaıym eńbekkerlerdiń múddelerin tolyqqandy qorǵaý», - dep atap ótti KF basshysy.

Kómir óndirýshiler kásipodaǵy músheleriniń pikirinshe, «Qazkómirkásipodaǵynyń» elimizdiń Kásipodaqtar federasııasynyń quramyna kirýi taý-ken metallýrgııa ónerkásibiniń jumysshylarynyń múddelerin qorǵaýda kúsh biriktirýge jáne áleýmettik áriptestiktiń joǵary deńgeıinde dıalog júrgizýge múmkindik beredi.

T. Kúzembaev atyndaǵy shahtanyń kásipodaq komıtetiniń tóraǵasy Qalqaman Ahmetov óz sózinde kenshilerdiń jańa salalyq kásipodaǵyn qurý týraly ıdeıa kópten beri oıda júrgenin alǵa tartty.

«Bul sheshim ýaqyt talaby men kenshilerdiń barlyq máselesin sheshý qajettiginen týyndap otyr. Iаǵnı, jańa qoǵamdyq birlestik kóp jyldan beri «Arselor Mıttal Temirtaý» AQ kenshileriniń múddelerin qorǵap kele jatqan «Qorǵaý» kómir óndirýshiler kásipodaǵy bazasynda quryldy. Kúzembaev atyndaǵy shahtanyń kenjarynda Kásipodaqtar federasııasynyń tóraǵasy Eraly Toǵjanovpen kezdesý barysynda biz Kásipodaqtar federasııasynyń quramyna kirý arqyly durys sheshim qabyldap jatqanymyzǵa kýá boldyq. Osy jyldar ishinde ol - ár kenshimen sóılesý úshin 600 metr tereńdikke túsken joǵary dárejedegi birinshi basshy», - dedi ol. 

Al I.Kostenko atyndaǵy shahtanyń kásipodaq komıtetiniń tóraǵasy Vladımır Koop «Qorǵaý» kómir óndirýshiler kásipodaǵy metallýrgterdiń salalyq kásipodaǵynyń quramynda bola tura, kenshiler máselelerin joǵarǵy deńgeıge shyǵarýda naqty shekteýlerge únemi tap bolatynyn jetkizdi.

«Biz kenshilerdiń salalyq kásipodaǵyn qurý jáne onyń Kásipodaqtar federasııasynyń quramyna kirýi kenshilerdiń quqyqtaryn naqty qorǵaýǵa jáne olardyń áleýmettik kepilderin ulǵaıtýǵa múmkindik beretinine senemiz. Sebebi, Kásipodaqtar federasııasy áleýmettik áriptestermen ózara yntymaqtastyqtyń joǵary dárejesine qol jetkizdi dep esepteımiz», - dedi ol.

«QRKF múshe bolý arqyly qarapaıym kenshiler salanyń ózekti máselelerin Parlament jáne Úkimet deńgeıine shyǵarýǵa múmkindik aldy. Búginde biz Kásipodaqtar federasııasyndaǵy ókildik arqyly kenshilerdiń bastamalaryn kóterý úshin birqatar usynys ázirlep jatyrmyz. Bul oraıda KF basshysy Eraly Toǵjanov olardyń kóbisin qoldap, atap ótti. Bul – kenshilerdiń zeınet jasy, kásiptiń eskirýi jáne kenshilerdiń áleýmettik kepilderi» deıdi «Shahtınskaıa» shahtasynyń kásipodaq komıtetiniń tóraǵasy Aıbek Toıbekov. 

Eske sala ketsek, búginde Kásipodaqtar federasııasynyń quramyna 17 aýmaqtyq jáne 24 salalyq kásipodaqtar birlestigi kiredi. KF músheleriniń jalpy sany – 2 mln adam.

Uqsas jańalyqtar