Qazaqstan • 29 Qańtar, 2020

Qytaı azamattary úshin vıza berý tártibi ózgerdi

96 retkórsetildi

Qazaqstan Respýblıkasy Úkimetiniń 2020 jylǵy 27 qańtardaǵy №10 qaýlysymen Qytaı Halyq Respýblıkasynyń azamattary úshin buryn engizilgen Qazaqstan Respýblıkasyna kirý, bolý jáne ketý úshin jetpis eki saǵattyq vızasyz rejım 2020 jyldyń 1 shildesine deıin toqtatyldy. Bul týraly Mádenıet jáne sport mınıstrliginiń baspasóz qyzmeti habarlady.

Osylaısha, atalǵan qaýly arqyly Nur-Sultan, Almaty, Shymkent, Aqtaý, Qaraǵandy jáne Taraz qalalarynyń halyqaralyq áýejaılary arqyly tranzıtpen ótetin Qytaı Halyq Respýblıkasynyń azamattary úshin Qazaqstan Respýblıkasyna kelýdiń, bolýdyń jáne odan ketýdiń jetpis eki saǵattyq vızasyz rejıminiń qoldanylýy bóliginde Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynyń 26-1-tarmaǵynyń qoldanylýy 2020 jylǵy 1 shildege deıin toqtatyla tursyn.

Bul shara naýqastar men aýrý juqtyrylǵan adamdardyń Qazaqstan Respýblıkasyna kelý qaýpiniń joǵarylaýyn eskere otyryp, sonymen qatar Qazaqstan Respýblıkasynyń aýmaǵynda pnevmonııanyń taralýyn boldyrmaý úshin qabyldanǵanyn aıta ketken jón.

Sonymen qatar Qazaqstan Respýblıkasynyń Mádenıet jáne sport mınıstrligi Qazaqstan Respýblıkasynyń azamattaryna Ýhanǵa jáne Hýbeı provınsııasyna, sondaı-aq jalpy QHR-nyń basqa aýmaqtaryna barýdan bas tartýǵa keńes beredi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar