Aımaqtar • 29 Qańtar, 2020

Kásipkerler Germanııada taǵlymdamadan ótýde

22 retkórsetildi

«Atameken» óńirlik kásipkerler palatasy qarjylaı emes qoldaý bóliminiń málimetinshe, «Iskerlik baılanystar» jobasy «Bıznestiń jol kartasy-2025» memlekettik baǵdarlamasy aıasynda júrgizilýde.

Joba ekonomıkanyń mańyzdy salalarynda qyzmet etetin joǵary jáne orta býyndaǵy basshylardy oqytyp, olardyń bilim-biliktiligin arttyrýǵa baǵyttalǵan.

Qatysýshylar aldymen oblys ortalyǵynda ótetin úsh aptalyq kýrsqa qatysady. Otandyq jáne sheteldik bıznes-trenerler taýardy satý, kelissózder júrgizý  baǵyttarynda dáris oqıdy.

Sonymen qatar WhatsApp áleýmettik jelisindegi topta vebınar júrgiziledi. Oqý kýrsynyń sońynda qatysý shylarǵa sertıfıkattar tabys- talady.

Oqýdan ótken kásipkerler ekinshi kezeńge, ıaǵnı Germanııadaǵy taǵylymdamaǵa qatysý úshin tıisti qujattardy tapsyryp, bıznes-jospar ázirleıdi.

«Atameken» Ulttyq kásipkerler palatasynyń Nur-Sultan qalasyndaǵy ortalyq apparatynda áńgimelesýden ótedi.

Nátıjesinde elimiz boıynsha ondaǵan kásipker iriktelip, sheteldik áriptesterimen tájirıbe almasý múmkindigine ıe bolady.

Bul maqsat úshin  «Atameken» Ulttyq kásipkerler palatasy men germanııalyq ortalyq arasynda ózara kelisimshart jasalǵan.

Baryp-qaıtýlary, oqýy, taǵylymdamadan ótýi – barlyǵy tegin. Kásipkerlerdiń Germanııada 4 apta boıy kásiporyndarǵa baryp, trenıngterge qatysýyna qajet qarajatty memleket óteıdi.

Germanııalyq mamandardyń sheberlik saǵattary orys jáne aǵylshyn tilderinde ótedi. 

Al,  «Iskerlik baılanystar» jobasy qolǵa alynǵan 2016 jyldan bastap  80 –ge jýyq kásipker baryp qaıtty.

О́tken jyly jobanyń alǵashqy kezeńinde 37 kásipker bilim aldy. Germanııada taǵylymdamadan ótken kásipkerlermen arnaıy kelisimshart jasalady. Olar basshylyq etetin kásiporyndardyń bir jylǵy jumysyna monıtorıng júrgiziledi.

Jarty jylda bir ret naryq aýqymynyń keńeıýi, qýattylyqtyń artýy, baılanystar ornatý, kelissózder júrgizý jáne taǵy basqa baǵyttar boıynsha esep beredi.

Sońǵy jańalyqtar

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar