Úkimet • 29 Qańtar, 2020

Qazaqstandyq bitimgerler - Úndistanda

29 retkórsetildi

Úndistan eliniń ókilderimen birlesken «Lıvandaǵy BUU ýaqytsha kúshteri» bitimgershilik mıssııasyn oryndaý boıynsha áskerı qyzmetshilerdi daıarlaý bastaldy. Bul týraly Qorǵanys mınıstrliginiń baspasóz qyzmeti habarlady.


Qazirgi tańda quramynda 29 áskerı qyzmetshisi bar qazaqstandyq bitimgershilik polkiniń tórtinshi bitimgershilik rotasy Úndistandaǵy Nıý-Delı qalasynda.

Bir aı boıy olarmen daıyndyq boıynsha sabaqtar ótkiziledi. Máselen, beketter blogynda jáne baqylaý pýnktterinde qyzmet atqarý, bazany kúzetý jáne jaıaý tártipte jáne avtomobıl tehnıkasynda patrýldeý boıynsha sabaqtar.

Oqý barysynda BUU-nyń uıymdastyrylýy men qurylymy, Lıvan Respýblıkasynyń geografııalyq ornalasýy jáne mıssııany oryndaý kezinde bitimgershilik kúshteriniń kontıngentin basshylyqqa alatyn negizgi normatıvtik-quqyqtyq aktiler qaralyp, túsindiriletin bolady.

2020 jyly mamyr aıynda Lıvanǵa «Lıvandaǵy BUU ýaqytsha kúshteri» bitimgershilik mıssııasyn oryndaý úshin 4-shi bitimgershilik rotasy attanady. Qazaqstandyq rota bitimgershilik mıssııasyn Úndi batalony quramynda oryndaıtyn bolady.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar