Tennıs • 04 Aqpan, 2020

Shvedovanyń rekordyn qaıtalady

11 retkórsetildi

Aýstralııanyń Melbýrn qalasynda máresine jetken tennısten «Úlken dýlyǵa» sanatyndaǵy Aýstralııa ashyq chempıonatynan keıin tennısshilerdiń álemdik reıtıngi jańardy.

Erler arasyndaǵy básekede top jarǵan serbııalyq Novak Djokovıch birinshi orynǵa kóterildi. Jartylaı fınalǵa deıin jetken ıspanııalyq Rafael Nadal ekinshi orynǵa túsip qalsa, úzdik úshtikti shveısarııalyq Rodjer Federer túıindedi. Qazaqstandyq tennısshiler arasynda Aleksandr Býblık eki saty joǵarylap, 54-orynǵa jaıǵasty. Mıhaıl Kýkýshkın 68-ornyn saqtap qalsa, Dmıtrıı Popko 170-orynǵa turaqtady.

Qyzdar arasynda aýstralııalyq Eshlı Bartıdiń baǵy janyp tur. Jasyl qurlyq ókilin atalǵan jarystyń jartylaı fınalynda óner kórsetken rýmynııalyq Sı­mona Halep ókshelep keledi. Al ótken reıtıngte ekinshi orynda turǵan chehııalyq Karolına Plıshkova úshinshi orynǵa túsip qaldy. Australian Open básekesiniń úshinshi aınalymyna deıin jetken qazaqstandyq tennısshiler nátıjesin birshama jaqsartyp aldy. Jańa reıtıngte Elena Rybakına 25-orynǵa jaıǵasyp, otandasymyz Iаroslava Shve­dovanyń rekordyn qaıtalady. Shvedova 2012 jyly álemdik reıtıngte 25-orynǵa deıin joǵarylaǵan bolatyn. Al Iýlııa Pý­tınseva 4 saty kóterilip, 34-orynǵa turaq­tasa, Zarına Dıas 63-satyǵa jaıǵasqan. Aýs­tralııa birinshiliginiń qyzdar básekesinde So­fııa Kenın jeńimpaz atanǵanyn aıta keteıik.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar