Abaı • 04 Aqpan, 2020

Túrkııada Abaı murasy ulyqtaldy

87 retkórsetildi

Adamzattyń aqylmanyna aınalǵan Abaıdyń mereıtoıy Túrkııada atalyp ótti. Aqynnyń ádebı muralaryn keńinen nasıhattaý maqsatynda Anadoly jerinde Qazaq ulttyq qyzdar pedagogıkalyq ýnıversıteti taǵylymdy shara uıymdastyrdy.

Nııde О́mer Halısdemır ýnıversıtetindegi Qazaq-túrik mádenı bilim berý ǵylymı-zertteý ortalyǵynda ótken jıyn baýyrlas memleketter arasyndaǵy ózara yntymaqtastyqty aıqyn ańǵartty. Qyzdar ýnıversıtetiniń delegasııasy atalǵan ortalyqqa Abaı Qunanbaıulynyń shyǵarmalary men ol týraly irgeli zertteý eńbekteri toptastyrylǵan elý kitapty syıǵa tartty. Sondaı-aq qazaqstandyq jetekshi joǵary oqý ornynyń bastamasymen «Abaı taǵylymy» taqyrybynda kórme ashyldy.

Kórmeniń ashylý rásimine túrkııalyq ǵalymdar, qazaqstandyq delegasııa ókilderi men stýdentter qatysty.

Igilikti sharany Nııde О́mer Halısdemır ýnıversıtetiniń Oqý isi jónindegi prorektory Ilıas Gýkhan ashyp, Abaı qazaqtyń uly aqyny ǵana emes, sondaı-aq túbi bir túrki dúnıesine ortaq tulǵa ekendigin atap ótti. Sonymen qatar ol oıshyldyń adamzattyń asyl murasyna aınalǵan shyǵarmalary álemniń 30-dan astam tilimen qatar túrik tiline de aýdarylǵanyn aıtty.

– Ákeniń balasy emes, adamnyń balasy bolýdy maqsat tutqan aqynnyń qundy qazynasy óskeleń urpaqpen birge jasaıtyn máńgilik muraǵa aınalýy tıis. Osy oraıda Qazaqstan Prezıdenti Qasym-Jomart Toqaev myrzanyń Abaı haqyndaǵy maqalasy, oı-tolǵamy basty baǵdarsham bolýy tıis dep oılaımyn. Ol josparlanǵan sharalardyń barlyǵy «toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» ekendigin atap ótti. Biz de óz tarapymyzdan aqyn mereıtoıyn joǵary deńgeıde ótkizýge atsalysamyz. Búgingi shara sonyń bastaýy ispettes. Túrkııa jurtshylyǵy úshin de Abaıdyń ómirsheń poezııasynyń orny bólek. Onyń ádebı týyndylarynyń astaryna úńilip qarasańyz úlken maǵyna jatyr. Onyń pálsapalyq ósıetteri men shyǵarmalary ýaqytpen úndes ıakı qanattas, dedi Ilıas Gýkhan.

Jıynda sóz alǵan Qyzdar ýnıversıtetiniń Ǵylymı jumystar jáne ınnovasııa jónindegi prorektory Nurǵalı Arshabekov uly aqynnyń taǵylymyna tereń boılaý – búgingi kúnde úlken mańyzǵa ıe ekendigin baıandap, taǵylymdy iske uıytqy bolǵandarǵa izgi lebizin bildirdi.

– Abaıǵa bet burý, «ótkenniń arty, jańanyń basy edim» degen uly aqynnyń taǵylymyna tereń boılaý – búgingi kúnde úlken mańyzǵa ıe. Abaı – ulttyq bolmystyń aıqyn úlgisi. Abaı – dala danalarynyń barsha jaqsy qasıetteri men asyl muralaryn boıyna sińire otyryp, ult ádebıeti men mádenıetin hám qoǵamdyq oıdy baǵa jetpes qazynalarmen baıytqan dana da dara tulǵa. Abaı – adamzatqa ortaq tulǵa. Uly oıshyldyń shyǵarmalary álemdik ádebıettiń altyn qoryna enýi bul sózimizge aıqyn dálel. 75 jyldyq tarıhy bar ýnıversıtet ujymy atynan aqyn mereıtoıy qarsańynda uıymdastyrylǵan sharanyń ótýine qoldaý kórsetken týysqan túrik baýyrlarymyzǵa alǵysymyzdy bildiremiz, dedi óz sózinde Nurǵalı Arshabekov.

Aldaǵy ýaqytta Túrkııada bilim alyp júrgen qazaq jastarymen qatar kópshilik qaýym Nııde qalasyndaǵy Qazaq-túrik mádenı bilim berý ǵylymı-zertteý ortalyǵynda Abaı murasymen keńinen tanysýǵa múmkindik almaq. Bul bastama óz kezeginde týysqan halyqtar arasyndaǵy rýhanı sabaqtastyqtyń artýyna yqpal etetindigi ras.

Kórmeniń ashylý rásiminde Halyqaralyq Túrki álemi zertteýleri sımpozıýmynyń dırektory, professor Hıkmet Korash, Eýrazııalyq zertteýler mamandyǵynyń basshysy, PhD Týrǵaı Dúıen, Qazaq-túrik mádenı bilim berý ǵylymı-zertteý ortalyǵynyń basshysy, professor Mýrat Barýt syndy syndy ǵalymdar da sóz sóılep, nıettestigin bildirdi.

Jandar ASAN

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

El ishindegi ilkimdi is

Aımaqtar • Búgin, 10:55

Aqmolanyń jastarynda janashyrlyq mol

Aımaqtar • Búgin, 10:37

Saqtanǵan adam saý júrer

Qoǵam • Búgin, 10:32

Uqsas jańalyqtar