Qoǵam • 04 Aqpan, 2020

Elorda ákimi Esil aýdanynyń turǵyndarymen kezdesti

17 retkórsetildi

Elorda ákimi Altaı Kólginov Esil aýdany ákiminiń halyq aldynda esep berý kezdesýine qatysty. Bul týraly Nur-Sultan qalasy ákimdiginiń baspasóz qyzmeti habarlady.


Esil aýdanynyń ákimi Berik Jákenov áleýmettik nysandardyń qurylysyna erekshe kóńil bóletinin aıtty.

«2019 jyly №88 mektep, №24 mektepke japsarlas ǵımarat (Prıgorodnyı eldi mekeni) pen balabaqsha ashyldy. Bul balalarǵa arnalǵan taǵy 1700 oryn quryp, mektepterge júktelgen shekten tys júktemeni azaıtýǵa múmkindik berdi.

Bıyl 4 mektep pen balabaqshanyń qurylysy júrgizilip jatyr. Bul № 59, 71, 75, 76, 77, 79, 84 jáne 85 mektepterdegi shekten tys júktemeni azaıtady. Sondaı-aq 1200 oryndyq mektep qazir jobalaý satysynda. Sonymen qatar memlekettik-jeke  menshik seriktestik aıasynda 360 oryndyq balabaqsha qurylysy júrip jatyr» dedi Berik Jákenov.

Eseptik kezdesýde turǵyndar erekshe qajettilikteri bar adamdarǵa jaǵdaı jasaý máselelerin kóterdi.

«Bul óte ózekti ári mańyzdy másele. Qalada erekshe qajettilikteri bar 5,5 myń adam bar. Eki myń otbasy erekshe qajettilikteri bar balalardy tárbıelep otyr. Qazir, ókinishke qaraı, dınamıka artyp keledi, ásirese, DSP, aýtızm jáne Daýn sındromy sııaqty dıagnozdar jıi kezdesedi. Erekshe qajettilikteri bar jandardyń jaǵdaıyn turaqty negizde jaqsartyp otyrý mańyzdy. Olar qala ishinde qaýipsiz jáne jaıly qozǵalýlary úshin barlyq jaǵdaıdy jasaý shart. Mysaly, ınvataksı sany eki ese ósti. Kásipkerlerdiń kómegimen jaqyn arada taǵy 10 ınvataksı kóligin alamyz. Jańa turǵyn úı keshenderiniń birinshi qabattarynda balalarǵa arnalǵan shaǵyn ortalyqtar, ońaltý ortalyqtary bolady. Balalardyń ata-analaryna qosymsha bilim alýǵa, jumysqa ornalasýǵa kómektesemiz. Budan basqa, qalada taǵy eki ońaltý ortalyǵyn salýdamyz, jumys istep turǵan ıppodrom bazasynda ıppoterapııa sabaqtary úshin jabyq manej ashamyz. Bul jumystardyń barlyǵyn jalǵastyramyz», - dedi qala ákimi Altaı Kólginov.

Buǵan deıin elorda ákimi Baıqońyr, Almaty, Saryarqa aýdandary ákimderiniń esep berý kezdesýine qatysty. Turǵyndardyń suraqtary jumysqa alyndy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar