Aımaqtar • 04 Aqpan, 2020

Taldyqorǵandyq oqýshylar banan qabyǵynan bıoplastık jasady

76 retkórsetildi

Taldyqorǵan qalasyndaǵy Nazarbaev Zııatkerlik mektebiniń oqýshylary Dana Májıt pen Aıdan Qoldasbaeva banan qabyǵy men kartop krahmalynan bıoplastık jasady. Zertteý jobasy Respýblıkanyń «Jyldyń 100 úzdik jobasy» baıqaýynda Gran-prı jeńip aldy.

Jas zertteýshiler ónimderdiń syrtqy qabatyndaǵy krahmal men sellıýlozany bıologııalyq ydyraıtyn plastmassany jasaýǵa qoldanýǵa bolatyndyǵyn anyqtady. Bıoplastık jasaýǵa 2 kún ketipti. Al qajetti materıaldardy tabý da qıyndyq týǵyzbaıdy. Iаǵnı, bıoplastık óndirisi eshqandaı mamandandyrylǵan jabdyqty qajet etpeıdi jáne ony eń qarapaıym jáne qoljetimdi quraldardy paıdalaný arqyly júzege asyrýǵa bolady.

- Banan men kartoptyń qabyǵyn natrıı metabısýlfıtine salyp, qaınattyq, sodan keıin ony muqııat untaqtadyq. Alynǵan pasta «Petrı» ydysynda qalyptastyryp, qyzdyramyz. Prosesterdiń ártúrli kombınasııalarynda birneshe tájirıbe júrgizip kórdik. Osynyń bárine bizge  eki aıdan sál asatyn ýaqyt qajet boldy, - deıdi Dana men Aıdana.

1

Taldyqorǵan qalasyndaǵy Nazarbaev Zııatkerlik mektebiniń ónertapqysh oqýshylary jańa materıal shynymen dástúrli plastıkti almastyra alatynyna senimdi. О́ıtkeni qazir qorshaǵan ortanyń plastıkalyq zattarmen lastanýy adamzattyń ózekti máseleleriniń biri bolyp otyr. Al taldyqorǵandyq oqýshylar oılap tapqan bıoplastıkten mundaı qaýip joq.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar