Álem • 05 Aqpan, 2020

Koronavırýs: Qaza tapqandar sany - 490, on kúnde salynǵan emhana jumysyn bastady

342 retkórsetildi

Qytaıdyń Ulttyq Densaýlyq saqtaý komıssııasy taratqan sońǵy aqparatqa sáıkes, Hýbeı provınsııasynda keshe qaıtys bolǵan 65 adamdy qosqanda jalpy indetten kóz jumǵandar sany 490-ǵa jetken.

Foto: Xinhua

Al sársenbi kúngi málimet boıynsha ınfeksııa juqtyrǵandar sany 24324 adamǵa deıin artqany belgili boldy. Sondaı-aq em alǵan 262 adam aýrýhanadan shyǵarylǵan. 

Álem elderi vırýs anyqtalǵan kúnnen bastap óz azamattaryn Hýbeıden jáne onyń astanasy Ýhannan evakýasııalaý týraly sheshim qabyldady. Qazaqstan úkimeti de 83 azamatyn, onyń basym bóligi Qytaıda bilim alyp jatqan stýdentterdi elge qaıtarǵany belgili. Olar qazir medısına qyzmetkerleriniń baqylaýynda.  

Sondaı-aq Qytaıda 10 kún ishinde salynǵan jańa aýrýhana kesheden bastap jumys isteı bastady. Sı Szınpınniń buıryǵymen 1000 oryndyq emhanaǵa Qarýly kúshterdiń 1400 medısına qyzmetkeri jumyldyrylǵan. 

Dúnıejúzilik Densaýlyq Saqtaý Uıymynyń málimetine sensek, álem elderinde indetti juqtyrǵandar sany da artyp keledi. Mysalǵa, Sıngapýr, Taıland, Japonııa elderinde naýqastardyń sany 20-dan asty. Kórshiles Reseıde 2 jaǵdaı tirkelgen. 

Qazaqstannyń Densaýlyq saqtaý mınıstrligi elde koronavırýs juqtyrǵandar anyqtalmaǵanyn aıtty.  

 

 

 

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar