Qazaqstan • 06 Aqpan, 2020

QHR men shekaralas memleketterden kelgen azamattarǵa monıtorıng jalǵasýda

24 retkórsetildi

6 qańtar men 4 aqpan aralyǵynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarlyq-karantındik pýnktteriniń mamandary Almaty qalasyndaǵy halyqaralyq áýejaıda jáne temirjol vokzaldarynda Qytaı jáne shetelderden kelgen 21838 jolaýshyny tekserdi. Bul týraly Densaýlyq saqtaý mınıstrliginiń baspasóz qyzmeti habarlady.

JRVI belgilerimen 104 adam kópshilikten oqshaý aýrýhanaǵa jatqyzyldy, onyń 71 jazylyp shyqty, qazir stasıonarlarda medısınalyq baqylaýda 33 adam qaldy.

Aýrýhanaǵa jatqyzylǵandardyń barlyǵynyń synamasyn qosymsha baqylaý úshin Almatydaǵy Aıqymbaev atyndaǵy asa qaýipti juqpaly aýrýlardyń ulttyq ǵylymı ortalyǵyna jiberildi. Bul ortalyq jańa koronavırýsty PTR-dıagnostıkalaý ádistemesi ıgergen.

Respýblıkada terapııa úshin qajetti dári-dármek pen medısınalyq buıymdar bar, juqpaly aýrýhanalardy oqshaýlaýǵa arnalǵan bokstar, arnaıy dárigerlik jáne orta medısınalyq personal daıyndalǵan.

Aıta ketý kerek, bul jaǵdaı Qazaqstan Densaýlyq saqtaý mınıstrliginiń turaqty baqylaýynda.

Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyz jáne kez kelgen suraq boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar