Aımaqtar • 06 Aqpan, 2020

Iskerlik baılanysty arttyrýǵa septesedi

23 retkórsetildi

Pavlodar óńirlik «Atameken» kásipkerler palatasy qarjylaı emes qoldaý bóliminiń málimetinshe, «Bıznestiń jol kartasy-2020» memlekettik baǵdarlamasy aıasyndaǵy jobalar ekonomıkanyń mańyzdy salalarynda qyzmet etetin kásipkerlerdi oqytyp, bilimi men biliktiligin arttyrýǵa baǵyttalǵan.

Palatanyń kásipkerlikti qarjy­lyq emes qoldaý bóliminiń sarapshysy Zarına Shaımerdenovanyń aıtýynsha, byltyr «Altyn Design» JShS, «Fenıks» jıhaz fabrıkasy», SP GLOBAL GAS jetekshileri Altyn Ateeva, Sapar Quda­baev, Svetlana Pavlovalar «Iskerlik baılanystar» jobasy boıynsha oqyp, tájirıbeden ótti. Aldymen jobaǵa qatysýshylar oblys ortalyǵynda ótetin úsh aptalyq kýrsqa qatysady. Olarǵa otandyq jáne sheteldik bıznes-trenerler taýardy satý, kelissózder júrgizý baǵyttarynda dáris oqıdy. Sonymen qatar WhatsApp áleýmettik jelisindegi topta vebınar júrgiziledi. Oqý kýrsynyń sońynda qatysýshylarǵa sertıfıkattar tabystalady. Oqýdan ótken kásipkerler ekinshi kezeńge, ıaǵnı Germanııadaǵy taǵylymdamaǵa qatysý úshin tıisti qujattardy tapsyryp, bıznes-jospar ázirleıdi. Sonymen qatar kásipkerlerge qoldaý kórsetý ortalyǵy 3963 kásipkerge kómek kórsetse, 10 358 adamǵa keńes bergen.

– Kásipkerler palatasy «Bıznes­tiń jol kartasy-2020» memlekettik baǵdar­lamasynyń tórtinshi baǵytyn júzege asyrý sheńberinde birneshe baǵyt boıynsha qarjylyq emes qoldaý kórsetedi, – deıdi Zarına Shaımerdenova. – Bul kásipkerlikti júrgizýge servıstik qol­daý kórsetý, kásipkerlikti aqparat­tyq-saraptamalyq qamtamasyz etý, bıznes-mektep, iskerlik baılanystar jáne aǵa senorlar komponenti baǵyttary. Jalpy, shaǵyn jáne orta bıznes nysandary arasynda iskerlik baılanystar jáne aǵa senorlar jobalary suranysqa ıe.

Aty aıtyp turǵandaı, «Iskerlik baı­la­nystar» baǵyty sheteldik seriktes­termen iskerlik baılanystar ornatýǵa baǵyttalsa, «Aǵa senorlar» jobasy aıasynda kásipker joǵary bilikti mamandy shetelden aldyrtyp, tehnologııalardy ıgere alady. Mysaly, «Aǵa senorlardyń» úsh sarapshylyq jobasy «Pavlodar jylyjaı kombınaty» JShS, «Aqsý jylyjaı kombınaty» JShS, «Jet Logistics» JShS kásiporyndaryna jasaldy. Jylyjaılardyń tehnıkalyq jabdyqtalýyna sarapshylyq jobany Kanadadan kelgen ǵylym doktory Prem Karbanda júrgizdi. Al «Jet Logistics» JShS kásipornyna kelgen Per Glot atty sarapshy basshylyq quramyna óndiristi basqarýdyń jańa ádisterin engizý, logıstıka, strategııalyq jos­par­laýdy ońtaılandyrýdy úıretip, qyz­metkerler oqý kýrstarynan ótti.

Sheteldik mamandar «Stanoktar álemi» JShS, «RWS Binding» JShS, «Chernoıarka marjany» JShS, «Tehno­logııalar jelisi» JShS-niń óndiristik strategııasyn ózgertýge qatysty, bolat quıýdan sheberlik sabaqtaryn berdi. Sondaı-aq bolat quıý formalaryn ózgertip, kásiporyndardyń damýy úshin birqatar usynymdar jasady. Mysaly, Germanııadan kelgen sarapshy Natalıa Maıer egde tartqan adamdarǵa arnalǵan ońaltý jumystarymen aınalysatyn «Chernoıarka marjany» JShS-na qoldaý kórsetti. Qazir bul joba memleket-jekemenshik áriptestigi jobasy aıasynda júzege asýda. Sonymen birge «Iskerlik baılanystar» jobasy aıasynda óz elimizde oqý trenıngterinen ótip, Germanııada taǵylymdamada bolǵan kásipkerler bar. Mysaly, jibek mataǵa qolmen jazylǵan órnek jasaýshy «Altyn Design» JShS bas­shysy, qolónershi Altyn Ateeva atal­ǵan jobanyń ıgiligin kórip otyr.

– 2018 jyly Kásipkerlik palatasy «Iskerlik baılanystar» baǵdarlama­sy­na qatysýdy usyndy, – deıdi Altyn Ateeva. – Men óz jobamdy usynyp, oqýdan óttim. Keıin shaqyrtý alyp, jobany uıymdastyrýshylarmen kezdestim. Oǵan Germanııadan kelgen ókilder de qatysty. Olar bizben áńgimelesip, jeke kásibimiz týraly surady.

Jalpy, qatysýshylar «Atameken» ulttyq kásipkerler palatasynyń Nur-Sultan qalasyndaǵy ortalyq appa­ratynda áńgimelesýden ótedi. Nátı­jesinde elimiz boıynsha ondaǵan kásipker iriktelip, sheteldik áriptes­terimen tájirıbe almasý múmkindigine ıe bolady. Bul maqsatta «Atameken» ulttyq kásipkerler palatasy men germanııa­lyq ortalyq arasynda ózara kelisim­shart jasalǵan. Qatysýshy­lar­dyń baryp-qaıtýy, oqýy, taǵylym­­damadan ótýi, barlyǵy tegin. Kásip­kerlerdiń Germanııada 4 apta boıy kásiporyndarǵa baryp, trenıngterge qatysýyna qajetti qarajatty memleket óteıdi. Germanııalyq mamandardyń sheberlik saǵattary orys jáne aǵylshyn tilderinde ótedi. Kásipkerdiń aıtýynsha, Germanııada taǵylymdamadan ótý iri kompanııalardyń jumysyn kórýge, bıznes-jobalardy qurýǵa, bıznes-kelissózderdi saýatty júrgizýge jáne sheteldik bıznes-seriktesterdi tabýǵa múmkindik berdi.

– Biz shetel kompanııalarmen kelisim­shart jasastyq, – deıdi Altyn Ateeva. – Bir aı ishinde onnan astam fabrıka men zaýytqa baryp kezdesýler ótkizdim.

Bıyl jergilikti «TrıKota-J» JShS bas­shysy da Germanııaǵa baryp táji­rı­beden ótpek.

– Kásipker úshin taǵylymdamadan ótý – damýǵa qaraı bet burý degen sóz. Germanııanyń bıznes-motıvatorlary bizdi ónim óndirýdi jetildirýge yntalandyrady, – deıdi kásipkerler.

Al «Iskerlik baılanystar» jobasy qolǵa alynǵan 2016 jyldan bastap óńirden 80-ge jýyq kásipker tájirıbe almasyp, biliktiligin jetildirdi. Byl­tyr jobanyń alǵashqy kezeńinde 37 kásipker oqyp kelgen. Germanııada taǵylymdamadan ótken kásipkerlermen arnaıy kelisimshart jasalady. Olar basshylyq etetin kásiporyndardyń bir jylǵy jumysyna monıtorıng júr­giziledi. Jarty jylda bir ret naryq aýqymynyń keńeıýi, qýattyń artýy, baılanystar ornatý, kelissózder júrgizý jáne taǵy basqa baǵyttar bo­ıynsha esep beredi. Búginde kásiporynnyń tabysty bolýy ınnovasııalardy damytý, jańa tehnologııalardy engizý, basqarý ádis­terin qoldaný men bıznesti oń­taı­lan­dyrýda ekenin kez kelgen kásipker jete túsinedi.

 

Pavlodar oblysy

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar