Aımaqtar • 06 Aqpan, 2020

Túrli-tústi qurt jasap, tabys taýyp otyr

745 retkórsetildi

Báıdibek aýdanyna qarasty Jambyl aýylynyń týmasy, jas kásipker Nazerke Asker hımııalyq kospasyz qurttyń taza tabıǵı 10 túrin jasap shyǵarýda.

Aýdandyq Kásipkerler palatasyna jas kásipker retinde tirkelgen isker áıel «Bastaý-bıznes» jobasy boıynsha arnaıy kýrstan ótip, sertıfıkat ıelengen. Bıznes jospar quryp, ony arnaıy komıssııada qorǵap, «Damý» kásipkerlikti damytý qorynan 3 mln teńge qaıtarymsyz nesıe alǵan. Kásibin 2019 jyly ashqan Nazerke qurt óńdeıtin jáne dóńgelek pishinde jasaıtyn apparattar men salqyndatqysh qurylǵy satyp aldy.

Qazirgi tańda arnaıy tapsyryspen ashy, tuzdy, keptirilgen jemisterden, qan kóbeıtýge arnalǵan qyzylshadan, meıizden, qan qysymy joǵary adam­darǵa jalbyzdan, asqazanǵa paıdaly raıhan gúlinen, sábiz syǵyndysynan, keptirilgen órikten aralastyryp qurt jasap, satýda. Osylaısha, jas bolsa da osy úrdisti jańǵyrtyp, batyl qadamǵa baryp otyrǵan Nazerkeniń bul bastamasy búginde jumyssyz júrgen aýyl jastaryna úlgi bolyp otyr. Bala kezinen ájesinen, anasynan aǵarǵannan ártúrli ónim daıyndaýdy úırengen Nazerke zaman talabyna saı alýan tústi qurt jasap, nesibesin aǵarǵannan aıyrýda.

Kásipker áý basta, adamdarǵa tańsyqtaý bul qurt­tardy satyp alaryna kúdik te bolǵanyn jasyrmaıdy. Alaıda dámi til úıirer túrli-tústi qurttan aýyz tıgen aýyl turǵyndary tapsyrys bere bastaǵanda, kóńili kúdikten arylyp, ata kásipke degen qush­tarlyǵy arta túsken. Nazerke aldaǵy ýaqytta osy ká­sipti keńeıtip, sútti sıyrlardy kóbeıtip, túrli-tústi qurtqa degen suranysty joǵarylatýdy kózdep otyr.

Eń áýeli sútten alynǵan daıyn ónimdi ózi týyp-ósken Jambyl aýylyndaǵy dúkenderge, odan keıin kórshi aýyl-aımaqqa, qala berdi iri qalalarǵa shyǵaryp satýdy josparlap otyr. 

 

Túrkistan oblysy,

Báıdibek aýdany

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar