Qoǵam • 06 Aqpan, 2020

Elordanyń bas polıseıi halyq aldynda esep berý kezdesýin ótkizdi

53 retkórsetildi

Nur-Sultan qalasynyń Polısııa departamentiniń basshysy Erjan Sádenov turǵyndar aldynda esep berý kezdesýin ótkizdi.  Elorda turǵyndary mazalaǵan suraqtaryna jaýap alyp, shaǵym men ótinishterin qaldyrdy. Bul týraly Nur-Sultan qalasy ákimdiginiń baspasóz qyzmeti habarlady.

Departament basshysy óz sózin ótken jyldaǵy jedel is-sharalardy qorytyndylaýdan bastady. «2018 jylmen salystyrǵanda qylmystar sany 5720-ǵa azaıdy. Adam óltirý, aýyr dene jaraqatyn jasaý, tonaý, buzaqylyq, urlyq sekildi qylmys túrleri az tirkeldi. Qoǵamdyq oryndardaǵy qylmystar sany 38,6%-ǵa, kámeletke tolmaǵandar arasyndaǵy quqyq buzýshylyqtar 10,7%-ǵa kemidi. Qylmystyń barlyq sanattary boıynsha isti anyqtaý jumysy jaqsardy», - dedi Erjan Sádenov.

Turǵyndarmen kezdesý barysynda departament basshysy qoǵammen ózara baılanys ornatý, polısııa qyzmetiniń ashyqtyǵyn qamtamasyz etý jóninde sóz qozǵady.

«Qazir aýdandyq polısııa bólimderine halyqqa qyzmet kórsetý ortalyqtary sekildi kez kelgen azamat baryp, qajetti keńester alatyn «front-ofıster» quryldy. «Halyq únine qulaq asatyn memleket» tujyrymdamasyn iske asyrý aıasynda áleýmettik jelilerde belsendi jumys jasalyp, turǵyndarǵa qatysty aqparatty ornalastyratyn vedomstvolyq saıttar men akkaýnttar ashyldy. Sonymen qatar Polısııa departamentiniń basshylyǵy apta saıyn azamattardy qabyldaıdy, onda anyqtalǵan problemalardy sheshý boıynsha naqty sharalar qabyldanady» dedi ol.

Erjan Sádenovtiń aıtýynsha, polısııa quqyq qorǵaý fýnksııalaryn júzege asyrýmen qatar, halyqqa túrli memlekettik qyzmet túrlerin de usynady.

«О́tken jyly 1 mıllıon 300 myń qyzmet kórsetildi. Olardyń qatarynda turǵylyqty jeri boıynsha tirkeý, qarýdy tirkeý, jeke kýálikter men tólqujattardy rásimdeý, mekenjaı anyqtamalary jáne taǵy basqa qyzmetter bar», - dedi ol.

Polısııa departamentiniń basshysy qylmystyń aldyn alý sharalaryna toqtalyp ótti. Bul rette konserjder, jedel áreket etetin jastar bólimsheleri, qaýipsizdik organdary, qoǵamdyq keńester, volonterler aıtarlyqtaı kómek kórsetti. Olardyń kómegimen 8 qylmys ashylyp, 1600 ákimshilik quqyqbuzýshylyq anyqtaldy. Jyl qorytyndysy boıynsha quqyq qorǵaý organdaryna belsendi qatysqany úshin 400-den astam kómekshi marapattaldy.

Erjan Sádenov urlyq, esirtki qylmysy, mas kúıinde kólik júrgizý úshin jaýapkershiliktiń kúsheıtilgenin eske saldy.  Onyń aıtýynsha, belsendi azamattardyń arqasynda esirtki jarnamasy týraly 131 habarlama tústi.  PIK jáne ÚEU ókilderimen birge esirtki saıttarynyń mekenjaıy jazylǵan 400 graffıtı-jazba alynyp tastaldy, 20-dan astam adam jaýapqa tartyldy. Esepti aıaqtaǵannan keıin departament basshysy azamattardyń barlyq suraqtaryna, sonyń ishinde áleýmettik jeliler arqyly qoıylǵan suraqtarǵa jaýap berdi. Turǵyndardy ýaqytsha tirkeý, jol qaýipsizdigi, qala mańynda qosymsha baǵdarshamdardy ornatýǵa baılanysty máseleler qyzyqtyrdy. Ańshylyqpen aınalysatyn adamdar qarýdy satyp alýǵa, saqtaýǵa jáne jetkizýge qyzyǵýshylyq tanytty. 

Sonymen qatar astanalyqtardy turǵyn alaptaryndaǵy jáne qala mańyndaǵy aýdandarǵa beınekameralar ornatý máseleleri tolǵandyrdy. Alaıaqtyq týraly shaǵymdar qabyldandy. Kezdesý sońynda Erjan Sádenov barlyq azamattarǵa belsendi qatysqandary úshin alǵys bildirip, polısııa jumysynyń basty maqsaty qylmyspen kúres pen qoǵamdyq tártipti saqtaý ekendigin atap ótti.

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Qandaı ǵajap, seniń baryń álemde

Ádebıet • Búgin, 14:56

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar