Aımaqtar • 06 Aqpan, 2020

Taraz qalasynyń ákimi esep berdi

107 retkórsetildi

Taraz qalasynyń ákimi Aıtqazy Qarabalaev qala turǵyndarynyń aldynda esep berdi. Ákim jalpy, jyldyń qorytyndysy boıynsha Taraz qalasynyń áleýmettik-ekonomıkalyq damýynda oń serpilis bar ekenin atap ótti.

Iаǵnı, ónerkásip óndirisiniń naqty kólem ındeksi 103,1 paıyzdy, negizgi kapıtalǵa salynǵan ınvestısııalardyń naqty kólem ındeksi 105,6 paıyzdy, kóterme saýda taýar aınalymynyń naqty kólem ındeksi 115,6 paıyzdy, bólshek saýda taýar aınalymynyń naqty kólem ındeksi 101,8 paıyzdy, qurylys jumystary kóleminiń naqty kólem ındeksi 107,0 paıyzdy qurasa, bıýdjettiń oryndalýy 104,5 paıyzǵa, onyń shyǵys bóligi 99,9 paıyzǵa ıgerilip, turaqty dınamıka qalyptasqan.

«2020-2021 jyldary 5 ınvestısııalyq jobanyń iske asyrylýy josparlanyp, 519 jańa jumys ornynyń ashylýy kózdelýde. Bıznestiń jol kartasy – 2020» bıznesti qoldaýdyń jáne damytýdyń biryńǵaı baǵdarlamasy aıasynda 5 mıllıard 297,2 mıllıon teńgege 140 joba qarjylandyryldy. «Nátıjeli jumyspen qamtý jáne jappaı kásipkerlikti qoldaýdyń» 2017-2021 jyldarǵa arnalǵan baǵdarlamasy aıasynda 649,1 mıllıon teńgege 54 joba qarjylandyryldy. «О́ńirlerdi damytýdyń 2020 jylǵa deıingi» baǵdarlamasy aıasynda joǵary turǵan bıýdjetterden 9 mıllıard 996,5 mıllıon teńge qarastyrylyp, bul qarjyǵa kelesideı jumystar atqaryldy. Olar, «Baryshan» alqabyn elektrmen qamtamasyz etý jobasy, «Araı-2» shaǵyn aýdanynyń joldary men trotýarlary, syrtqy jaryqtandyrý, aryq jelileriniń qurylysy, turǵyn úı alańshalaryn abattandyrý jumystary, jáne 4-shi Taraz energo ortalyǵynan bastalatyn M-2 jáne M-4 jylý magıstraldarynyń qaıta jańǵyrtý jumystary tolyǵymen aıaqtaldy», dedi Aıtqazy Qarabalaev.

Taraz qalasynyń negizgi máselesi – «Shóldala» alqabyndaǵy saıajaılarǵa sý, gaz tartý. Talaı jyldan bergi turǵyndardyń da tilegi osy. Bul rette qala ákimi 2019 jyly «Shalǵaı Qarasý» turǵyn alqaptaryn, «Tekturmas», «Qarasaı», «Qumshaǵal», «Shóldala», «Kóltoǵan», «Qyzyl-Abad», «Shańyraq», «Kazarma», «Jıdeli» alqaptary, «Qumshaǵal» stansııasy jáne osy alqaptarǵa japsarlas ornalasqan 28 saıajaıdy elektrmen, gazben jáne sýmen qamtamasyz etý boıynsha smetalyq qujattamalardyń ázirlengenin jetkizdi. Endi qarjylandyrýǵa 2020-2021 jyldarǵa usynylatyn bolady. Budan bólek, aǵymdaǵy jyly  «Rodnıchok», «Aqjol», «Qaınar» jáne «Mıchýrınes» alqaptaryn aýyz sýmen qamtamasyz etý boıynsha smetalyq qujattamalary ázirlenip, 2020-2022 jyldary qurylys jumystary kezeń-kezeńimen iske asyrylatynyn da aıtty.

Sonymen qatar tarazdyq turǵyndardyń taǵy bir máselesi – baspana. Bul rette «Nurly jer» turǵyn úı qurylysy baǵdarlamasy aıasynda Y.Súleımenov kóshesiniń sońyndaǵy 362 gektar jerde shamamen 8500 otbasyna arnalǵan 190 kópqabatty úılerdi quraıtyn 15-móltekaýdany boı kóterýde. «Alqaptyń baılanys, káriz, sý jáne gaz qubyrlary jelileriniń qurylystary aıaqtalyp, elektrmen qamtý, ishki kvartaldyq kólik jolynyń jáne jylý jelileriniń qurylysy iske asyrylýda. Búgingi tańda 80 páterli 23 turǵyn úı jáne 60 páterli 3 turǵyn úıdiń qurylysy aıaqtaldy. Sonymen qatar, ótken jyldan ótpeli 80 páterli 12 úı jáne 60 páterli 8 turǵyn úıdiń qurylysy jalǵasýda. Budan bólek, aǵymdaǵy jyly 80 páterli 1 jáne 45 páterli 9 arendalyq turǵyn úılerdiń qurylysy respýblıkalyq bıýdjetten qoldaý tapsa, qosymsha 24 turǵyn úılerdiń qurylysyn qarjylandyrý úshin joǵary turǵan bıýdjetterge ótinim usynyldy», dedi óz sózinde Aıtqazy Qarabalaev.

Ákimniń esebinen keıin tarazdyq turǵyndar birqatar máselelerdi kóterdi. Qala turǵyny Zarına Najanova «Baryshan» alqabyna aýyz sý tartý jóninde aıtsa, Bıbigúl Orazbaeva Taraz qalasyndaǵy №22 mektepke qashan kúrdeli jóndeý júrgiziletinin surady. Al, Aıgúl Saljanova «Araı-2» alqabynda kóshede jaryq joq ekenin, qoǵamdyq kólikterdiń júrmeıtinin alǵa tartsa, Úrtaı Sapaqova qalalyq Mádenıet úıiniń janynan jýyrda ǵana ashylǵan óner adamdaryna arnalǵan «Áýender álemi» alleıasynyń mańy tolǵan qańǵybas ıtter ekenin, bul rette turǵyndardyń qaýipsizdik máselesi birinshi orynda bolý kerektigin jetkizdi. Budan ózge de turǵyndar ákimge saýaldaryn joldady. Qala ákimi Aıtqazy Qarabalaev turǵyndardyń saýaldaryn tyńdap, kóterilgen barlyq máseleler aldaǵy ýaqyttarda kezeń-kezeńimen sheshimin tabatynyn jetkizdi.

Jıynǵa qatysqan Jambyl oblysynyń ákimi Asqar Myrzahmetov «Sheshilmegen máseleniń de, turǵyndardyń tarapynan suraqtardyń da kóp ekenin bilemiz. Endi berilgen múmkindikter qandaı edi, sony durys paıdalana aldyq pa dep oılaýymyz kerek», dep, Taraz qalasynda atqarylǵan birshama jumystarǵa toqtaldy. Qala ákiminiń jumysyna jaqsy baǵa berdi.

 

Jambyl oblysy          

Sońǵy jańalyqtar

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Uqsas jańalyqtar