Aımaqtar • 06 Aqpan, 2020

Almaty oblysy: Kóksý aýdanynda qylmys nege kóp?

355 retkórsetildi

Almaty – Taldyqorǵan kúre joly qaq jaryp ótetin Balpyq bı aýyly – Kóksý aýdanynyń ortalyǵy. Oblystyń bas qalasynan 18 shaqyrym ǵana qashyqtyqta jatqan osy aýylda qylmys azaımaı tur.

О́tken jyly alaqandaı aýylda 275 qylmys tirkelipti. Bul búkil aýdan boıynsha bolǵan odaǵaı áreketterdiń 62,2 paıyzyn qurap otyr. Ári qoǵamdyq qaýipsizdikke qater tóndirgen qylmystyń otyz ekisi áli kúnge deıin ashylmapty. Demek, Balpyq bı aýylyndaǵy buzaqylyq pen ury-qarynyń tirligine jaqyn ýaqytta toqtaý bolmaıtyn sııaqty.

– О́tken jyly qylmystyń aldyn alý, ashý jáne qoǵamdyq oryndarda tártipti nyǵaıtý barysynda  josparly túrde is-sharalar júrgizildi. Nátıjesinde, búgingi tańda aýdan boıynsha qylmys byltyrǵy sáıkes merzimmen salystyrǵanda 50 jaǵdaıǵa tómendegeni baıqalady. Qylmystyń ashylý deńgeıi 89,3 paıyzdy qurady. Eń kúrdeli jaǵdaı Balpyq bı aýyldyq okrýginde saqtalyp, ótken jyly 275 qylmys tirkeldi. Ol aýdanda tirkelgen jalpy qylmys sanynyń 62,2 paıyzyn quraıdy. Aýdanymyzda mal urlyǵy úlken másele bolyp tur, – dedi Kóksý aýdanynyń ákimi Almas Ádil.

Jalpy, aýdandaǵy qylmystyq ahýal basqa aýyldar da syn kótermeıdi eken. Mal urlyǵy da órship tur. Salystyrmaly túrde alǵanda, arǵy jylǵa qaraǵanda Alǵabas aýyldyq okrýginde 5 qylmys artyq jasalsa, Eńbekshi aýyldyq okrýginde 3 oqıǵaǵa ósken, al Muqanshy aýyldyq okrýginde 2 jaǵdaıǵa kóbeıip otyr.

Aýdandaǵy qylmystyq ahýal turǵyndardy alańdatýda. Qoǵamdyq qaýipsizdik máselesi aýdan ákiminiń esep berý jıynynda da aıtylǵan. Al aýyldaǵy aǵaıyn oblystyń tártip salasynda bolǵan aýys-túıiske úmit artady. Jaqynda Almaty oblystyq Polısııa departamentiniń basshysy aýysyp, buryn Almaty qalasynyń bas polıseıi bolǵan general-maıor Serik Kúdebaev qyzmetke kelgen edi.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar