Parlament • 06 Aqpan, 2020

N. Nyǵmatýlın Grek elshisimen kezdesti

3 retkórsetildi

Búgin Májilis Tóraǵasy Nurlan Nyǵmatýlın Grek Respýblıkasynyń Qazaqstandaǵy Tótenshe jáne О́kiletti elshisi Adam Georgıos Adamıdısti qabyldady. Bul týraly Parlament Májilisiniń baspasóz qyzmeti habarlady.

Májilis Tóraǵasy Grek eli Qazaqstannyń eýropadaǵy mańyzdy áriptesi ekeni atap ótti. Osy jyly dıplomatııalyq qatynastyń ornaǵanyna 28 jyl toldy. Qazaqstannyń Tuńǵysh prezıdenti Nursultan Nazarbaev atalǵan memleketpen yntymaqtastyqty nyǵaıtýǵa zor kóńil bólgenin aıta kelip, N. Nyǵmatýlın qazirgi Prezıdent Qasym-Jomart Toqaevtyń elimizdiń saıası baǵytyn odan ári jalǵastyryp kele jatqanyna toqtaldy.

N. Nyǵmatýlınniń pikirinshe, búgingi kúni memleketterimiz arasynda saýda-ekonomıkalyq, mádenı-gýmanıtarlyq baılanystar belsendi damyp keledi. Aldaǵy ýaqytta ásirese, týrızm salasynda áriptestik mańyzdy ról atqarady. Májilis Tóraǵasy parlamentaralyq yntymaqtastyqty nyǵaıtýǵa aıryqsha kóńil bóldi. Zań shyǵarý organdary arasynda tabysty yqpaldastyq jalpy alǵanda, ekijaqty qarym-qatynasty tereńdetýge yqpal etpek.

О́z kezeginde elshi myrza Grekııada Qazaqstandy álemdegi beıbitshil jáne turaqty memleket retinde joǵary baǵalaıtynyn, sonymen qatar. bizdiń elimizdiń damý baǵdaryna qyzyǵýshylyqpen qaraıtynyn atap ótti. Odan ári Adam-Georgıos Adamıdıs ekonomıkany ártaraptandyrý baǵytynda Grekııa kún energetıkasy men balamaly energetıka salasynda óz tájirıbelerin usynýǵa daıyn ekenin jetkizdi.

Taraptar eki el arasynda parlamentaralyq is-qımyldyń áleýeti myqty ekenin sóz ete kelip, beıindi komıtetter men yntymaqtastyq jónindegi toptar arqyly ózara baılanysty tereńdetýdiń mańyzdylyǵyna nazar aýdardy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar