Aımaqtar • 07 Aqpan, 2020

Halyq qalaýlysy kópbalaly analarmen kezdesti

125 retkórsetildi

Shymkent qalasy máslıhatynyń depýtaty Nurǵazy Buqarbaı №29 mektepte kópbalaly analarmen kezdesip, aqjaýlylyqtardy tolǵandyryp júrgen suraqtarǵa jaýap berdi. 

Sondaı-aq el Prezıdenti júktegen tapsyrmalarǵa baılanysty engizilip jatqan jańalyqtardy jete túsindirdi. 

Depýtattyń 2019 jyly atqarǵan jumystar boıynsha ótken eseptik kezdesýine 90-ǵa jýyq ana qatysty. 

Kezdesýde Elbasynyń «Nur Otan» partııasynyń jańa áleýmettik bastamalaryn júzege asyrý, tabysty kóterý jáne az qamtylǵan azamattardy qoldaý, bilim berý jóninde ashyq áńgime boldy. 

«Tuńǵysh Prezıdentimiz Nursultan Nazarbaev, Memleket basshysy Qasym-Jomart Toqaev «Halyqpen ashyq dıalogty jalǵastyrý kerek», dedi. Men jeke qabyldaýyma kelgen azamattardyń máselelerin tyńdap, ony sheshýge kómektesemin. 2019 jyly «Nur Otan» partııasynyń qalalyq fılıalynda, qalalyq máslıhatta, jumys ornymda jalpy sany 44 ret qoǵamdyq qabyldaý ótkizip, 100-ge jýyq azamattyń jeke máselesin tyńdap, olardyń ońdy sheshilýine yqpal ettim. Prezıdentimiz Qasym-Jomart Kemeluly halyqtyń tabysyn arttyrý boıynsha turaqty tapsyrma berip otyr. «Nur Otan» partııasynyń fraksııasy májilisinde halyqtyń turmys deńgeıin kóterý boıynsha qalamyzdaǵy barlyq salalyq basqarma basshylaryna tapsyrmalar berip, onyń oryndalýyn qadaǵalap otyramyn. «Nur Otan» partııasynyń aldynda turǵan mindetterdi saılaýshylardyń usynys-tilekterin júzege asyrýda aýqymdy jumystar atqarý úshin jumys istep kelemiz. Depýtattar halyqpen tyǵyz baılanysta bolýy tıis», - dedi Nurǵazy Baqtybaıuly.

Espti kezdesýde úsh aýysymdy mektep máselesi, oqýshylardyń qaýipsizdigi, oqýlyqtyń jetispeýshiligin retteý jaıy sóz boldy.

Máseleniń mánine úńilgen depýtat aıtylǵan aryz-shaǵymdar boıynsha jaýapty mekemelerge depýtattyq saýal joldap, aldaǵy ýaqytta máseleniń oń  sheshim tabatyndyǵyn jetkizdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar