Aımaqtar • 08 Aqpan, 2020

Pavlodarda kommýnaldyq qyzmet tarıfterine ózgerister engizilip jatyr

25 retkórsetildi

Bul týraly óńirlik kommýnıkasııalar qyzmetinde ótken baspasóz máslıhatynda Tabıǵı monopolııalardy retteý komıteti departamentiniń óńir boıynsha basshysy Tımýr Ámirhanov málim etti.

Iаǵnı, 2015 jyly oblystyń qala jáne aýdan halqyna kommýnaldyq qyzmet kórsetetin tabıǵı monopolııalar nysandarynda 2016-2020 jyldar aralyǵyndaǵy uzaq merzimge jyl saıynǵy ósimmen tarıfterdiń shekti deńgeıleri bekitilgen.

- 2020 jylǵy tarıf ósimderine kelsek, sýmen jabdyqtaý jáne sý tartý tarıfteri 2019 jylǵy deńgeıinde saqtalady. Sondaı-aq Ekibastuz qalasynda jylýmen qamtý tarıfi ózgerissiz qaldy. Oblys ortalyǵy turǵyndary úshin jylý tarıfin tómendetý boıynsha jumystar jalǵasýda, - deıdi departament basshysy.

Al «Pavlodarenersbyt» JShS qala turǵyndary úshin 2019 jylmen salystyrǵanda tarıfti 10 paıyzǵa ósirdi. О́zge tutynýshylar men bıýdjettik uıymdar úshin tarıf ósimi 2019 jylmen salystyrǵanda 19 paıyzdy quraıdy.

Departamentte 2018 jylǵy tarıftik smetanyń oryndalýyn taldaý nátıjeleri boıynsha engizilgen jylý energııasyn berý jáne bólý boıynsha «Pavlodar jylý jelileri» JShS qyzmetterine ýaqytsha ótemdik tarıfter bekitildi.

Al buǵan deıin elektr qýatyn óndirýshi jáne elektr júıelerin taratýshy kásiporyndarǵa tarıfterdi kóterýge ruqsat berilgen. Tarıfterdi joǵarylatpasa, ınfraqurylym eskirip, qıyndyqtar týyndaýy múmkin.

Budan tutynýshylarǵa qıyndyq týatyn edi. Biraq monopolıster kásiporyndarǵa ınvestısııa quıdy.

Iаǵnı bul kezeń de aıaqtaldy, endi 2020 jylǵa qaraı tarıfterdi kótermeýge múmkindik keldi deýge  de bolar.

 

Pavlodar oblysy

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar