Qoǵam • 10 Aqpan, 2020

О́nerkásiptik qaldyqtardyń shamamen 8 myń tonnasy qoldanylady

15 retkórsetildi

Qazaqstannyń avtomobıl joldary salasy tabıǵı resýrstardy saqtaýǵa, qorshaǵan ortany qorǵaýǵa óz úlesin qosýda. 2015 jyldan beri respýblıkalyq mańyzy bar avtomobıl joldaryn salý, jańartý kezinde mamandar ónerkásiptik qaldyqtardyń 7 mln 730 myń tonnasyn paıdalandy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

 
Tarqatyp aıtar bolsaq, «Ortalyq – Ońtústik» dálizin salý kezinde qoj qıyrshyqtastyń 432,5 myń tonnasy, usaqtalǵan domendi qojdyń 291,2 myń tonnasy paıdalanyldy.
 
Budan bólek, «Ortalyq – Ońtústik» jáne «Ortalyq – Shyǵys» dálizderi ýchaskelerinde jumystardy júrgizý barysynda kúl-qoj, boksıtti shlam, kúl sııaqty basqa da ónerkásiptik qaldyqtar qoldanyldy. Qaldyqtar «ArselorMıttalTemırtaý» AQ jáne «AlbaStroıDor» JShS-nen alynǵan.  

Aıta ketý kerek, byltyr «QazAvtoJol» UK» AQ men Ekologııa, geologııa jáne tabıǵı resýrstar mınıstrligine qarasty Ekologııalyq retteý jáne baqylaý komıteti arasynda bekitilgen kelisimshartqa sáıkes 5 jyl ishinde respýblıkalyq mańyzy bar avtomobıl joldaryn salý, jańartý úshin óndiristik qaldyqtardyń 5,3 mln tonnasy paıdalanylady dep josparlanyp otyr.

Qazaqstandyq ekologtardyń aıtýynsha, elimizde qaldyqtardyń 22 mlrd-tan astam tonnasy jınaqtalǵan. Onyń 16 mlrd tonnasy – tehnogendy mıneraldy qurylymdar, 6 myńǵa jýyq tonnasy – óndiris oryndarynan shyǵatyn qaýipti qaldyqtar. Osylaısha, jyl saıyn elimizde ónerkásiptik qaldyqtardyń 700 mln-ǵa jýyq tonnasy jınalady. Atalmysh materıaldardy respýblıkalyq mańyzǵa ıe avtomobıl joldarynyń qurylysy men rekonstrýksııasy salasynda paıdalaný qorshaǵan ortany qorǵaýda, resýrstardy rasıonaldy qoldanýda úles qosýda.

Aıta ketý kerek, ónerkásiptik qaldyqtar - jol jamylǵysy sapasyn jaqsartýǵa múmkindik beretin jol salasy úshin arzan ári tıimdi qurylys materıaldary. Osylaısha ol joldardyń sapasyn arttyryp, avtomobıl joldaryna qyzmet kórsetýge ketetin shyǵyndy azaıtýǵa múmkindik beredi.

О́ndiristik qaldyqtarmen qatar, elimizde joldardyń qurylysynda qaıtalama shıkizat qoldanylady. Máselen, «Kókshetaý – Kishkenekól - Bıdaıyq – RF shekarasy (Ombyǵa)» jolynda asfaltbetondy jamylǵynyń joǵarǵy qabatynda rezeńke úgindini tájirıbelik-eksperımenttik qoldaný júrgizildi. Sondaı-aq, búgingi tańda jolshylar qaıtalama materıaldardy paıdalana otyryp, sýyq resaıklıng ádisin belsendi qoldanady. 2015 jyldan bastap atalmysh tehnologııa boıynsha uzyndyǵy 2 myń shaqyrymnan astam avtojoldarǵa jóndeý júrgizildi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar