Aımaqtar • 10 Aqpan, 2020

Joldyń sapasy qatań baqylaýda

51 retkórsetildi

Sońǵy 10 jyl kóleminde elimizdiń avtomobıl joldarynyń sapasyn arttyrýǵa kóp kóńil bólinýde.

Bul turǵyda Úkimet tarapynan strategııalyq josparlar iske asyrylyp, qyrýar qarajat bólinýde. Soǵan qaramastan jol paıdalanýshylar tarapynan jol sapasyna degen aryzdary men shaǵymdary ulǵaıýda. Bul máseleniń sheshimin tabý, sonymen qatar jol sapasyna qatań baqylaý jasaý maqsatynda Qazaqstan Respýblıkasy Úkimetiniń 2019 jylǵy 20 naýryzdaǵy №131 qaýlysymen Oblystyq Jol zerthanasy RMM-ny qaıta qurý jolymen «Jol aktıvteriniń ulttyq sapa ortalyǵy» RMK quryldy.

Al memlekettik kásiporynnyń Shymkent qalasyndaǵy fılıaly mamandary shahardaǵy joldar men kóshelerdiń 19 nysanynda 37 saraptama jumystaryn júrgizdi. Nátıjesinde merdigerlik uıymdardyń nysanyna 816 eskertýler men buzýshylyqtar anyqtalǵan. Onyń ishinde atqarý qujattary boıynsha 263 eskertý (32 paıyz), qurylys montajdaý jumystary boıynsha 512 eskertý (63 paıyz), jol qurylys materıaldary boıynsha 41 eskertý (5 paıyz) berildi.

Sondaı-aq «Jol aktıvteriniń ulttyq sapa ortalyǵynyń» Shymkent fılıaly qala kósheleri men joldarynyń sapasyna qoldanylatyn materıaldar men tehnologııalyq prosestiń saqtalýyna ǵana emes oske tútetin júkteme normasynyń saqtalmaýyna da baılanysty kemshilikterdi tapqan. О́kinishke oraı, merdiger mekemeler jol-qurylys jumystary kezinde oske túsetin júkteme boıynsha qoldanystaǵy normatıvterdi saqtamaıdy. Ásirese jazǵy kezeńde. Mysaly, kóliktik baqylaý ınspeksııasynyń derekteri boıynsha Shymkent qalasynyń aýmaǵynda jer qoınaýyn paıdalanýshylardyń 38 kareri tirkelgen. Bul karerlerde Hovo markaly 1000-ǵa jýyq karerlik júk kóligi kúndelikti tasymaldanady. Bul óz kezeginde joldardyń tez buzylýyna alyp keledi jáne jıi jóndeýdi qajet etedi. Bul rette fılıal mamandary men Shymshahardyń joldarynan aýyr salmaqty júkterdiń júrý jıiligin esepke alý jumystary júrgizilýde.

«Ulttyq jol aktıvteri sapasy ortalyǵy» RMK Shymkent qalasy boıynsha fılıalynyń 2019 jylǵy Shymkent qalasy boıynsha avtomobıl joldaryn salý, rekonstrýksııalaý, jóndeý jáne kútip-ustaý kezinde jumystar men materıaldardyń sapasyna júrgizilgen saraptama jumystarynyń qorytyndysy boıynsha merdiger jáne tehnıkalyq qadaǵalaý mekemelerine jol sapasyn arttyrý maqsatynda birqatar tapsyrmalar berildi.

 

Shymkent

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar