Tehnologııa • 11 Aqpan, 2020

«Qaltadaǵy HQO» qaǵıdasynyń ıgiligin paıdalanyp otyrmyz ba?

14 retkórsetildi

Ýaqyt ákelgen ıgiliktiń biri – aqparattyq tehnologııalar. Ony kúndelikti tirshiligimizde saýattylyqpen kádege jaratý – qoldaǵy túrli gadjetterdi tolyǵymen aqtaǵan bolar edi. Áli de bolsa kópshiliktiń ári-beri sandalmaı, sharýasyn úıde otyryp-aq tyndyrýdy tolyǵymen úderiske aınaldyrý kókeıkestiligin joıǵan joq. Olaı bolsa, «Sıfrly Qazaqstan» bastamasyna qatysty megapolıste qandaı ilkimdi ister bar?

Osy turǵydan alǵanda, 2019 jyl­ «Azamattarǵa arnalǵan úkimet» mem­leket­tik korporasııasynyń Almaty­daǵy fılıaly úshin jemisti boldy. Kor­porasııanyń Almaty fılıaly byltyr 3 992 218 qyzmet kórsetse, onyń 1 281 597-i elektrondy formatta usynyldy. «Connectionpoint» ózine-ózi qyzmet kór­setý sektory arqyly 2 999 808 qyzmet alynyp, 2 851 437 keńes berildi. Bur­naǵy jylmen salystyrǵanda óz betinshe qyz­met alatyndar sany 88,9%-ǵa artqan.

 Jaqsylyq Úshkempirov syıǵa tartqan

Avtokólik ıelerine jasalǵan jaqsy bir qolaılylyq – «Elektrondy úkimet» portalynda kólikterdi tirkeý jáne júr­gizýshi kýáligin almastyrý qyzmet­teri­niń iske qosylýy bolsa kerek.

Degenmen, álde de halyq úırenip qalǵan ádetine basyp, mamandandyrylǵan HQO-ǵa barǵandy jón sanaıdy. Alma­tyda alǵashqy mamandandyrylǵan HQO ashyl­ǵaly beri avtokólik ıelerine kórse­tiletin qyzmet kólemi bes ese artty. Qala aýmaǵynyń ulǵaıýyna baılanysty Almatynyń halqy sany bir jarym ese ósti. Sondaı-aq mem­lekettik tirkeý nómirin berýde eksterrıtorıaldy qaǵıdasy engizilgennen keıin kólik sany arta túsken. Sondyqtan Almatyda qosymsha Mamandandyrylǵan HQO-lar ashý qajettigi týyndady. Búginde qalada 6 MHQO jumys isteıdi.

Nátıjesinde, byltyr Almatyda taǵy da eki mamandandyrylǵan HQO iske qosylsa, Jetisý aýdanynda ornalasqan №6 MHQO-ny avtokólik ıelerine mesenat, dańqty sportshy Jaqsylyq Úsh­kempirov syıǵa tartty. Ǵımaratty «Jaq­sylyq» sport klýby JShS bar­lyq shyǵyndaryn kótere otyryp, aqy­syz usynyp otyr. 2019 jylǵy 10 qyr­kúıekte iske qosylǵan ortalyq jyl sońyna deıin 8349 ótinim qabyldap, 7084 kólikti tirkep, 663 júrgizýshi kýáligin berdi. Elektrondy úkimet portaly arqyly 344 ótinim resimdelgen.

Dańqty sportshynyń osyndaı ıgi isi kópke úlgi. Jomart júrekti tulǵa en­di aýdan­da avtodrom salyp jatqan jaıy bar.

 Múmkindigi shekteýli azamattarǵa kedergi joq

«Azamattarǵa arnalǵan Úkimet» mem­lekettik korporasııasy arqyly múm­kindigi shekteýli azamattarǵa da kóp kóńil bóline bastaǵany qýantady. Mundaı jandarǵa memlekettik qyzmetterdi alýǵa yńǵaıly bolý úshin fılıaldyń barlyq kireberisinde «múmkindigi shekteýli tulǵalar úshin qyzmetkerdi shaqyrý túımesi» jáne pandýstar bar. Braıl mátini bar aqparattyq belgiler, kórý qabileti nashar adamdarǵa arnalǵan taktıldi joldar ornatylǵan.

Almaty qalasynyń HQKO-da múm­kindigi shekteýli 52 qyzmetker jumys isteıdi. Jumysqa qabyldaýda da jeńil­dikter qarastyrylǵan. Estý, sóıleý qabileti shekteýli jandarǵa onlaın sýr­doaýdarma qyzmeti kórsetiledi. Ymdaý tiliniń bilikti mamany naqty ýaqyt rejiminde arnaıy qosarly monıtormen ymdaý tiline aýdarý arqyly túsindirýdi qamta­masyz etedi. I-II toptaǵy múm­kin­digi shekteýli azamattardyń úıi­ne baryp qyzmet kórsetiledi. Ol úshin 1414 nómirine qońyraý shalyp óti­nim qaldyrady. Turaqty negizde úıde múm­kindigi shekteýli adamdarǵa qyz­met kórsetý boıynsha monıtorıng júr­giziledi.

 55 túrli memlekettik qyzmet biriktirildi

Jańa baǵyttardyń biri – qyzmetter klıentterdi ózderi tabatyn proaktıvti qaǵıdatynyń engizilýi. Mysaly, ja­ńa týǵan náresteniń ata-analaryna bala­nyń týý týraly kýáligin, áleýmettik jár­­demaqylardyń eki túrin resimdeý úshin SMS-habarlamaǵa jaýap berý jet­kilikti. Sondaı-aq SMS arqyly zeınetke shyǵýǵa, múgedektikti resimdeýge jáne «Altyn alqa», «Kúmis alqa» alqa­larymen marapattalǵan kóp balaly analarǵa járdemaqy taǵaıyndaýǵa baılanysty qyzmetterdi alýǵa bolady.

Jaqyn arada belsendi qyzmetter sany 17-ge deıin artady. Olar buǵan deıin dástúrli túrde kórsetilip kelgen 27 memlekettik qyzmetti biriktiredi. Eń bastysy, «bir tereze» ispetti, «bir ótinish» ustanymy jumysty jeńildete túspek. Mysaly, qazir zeınetke «bir ótinishpen» shyǵýǵa bolady. Buryn ol úshin HQO-ǵa úsh ret baryp, tórt túrli ótinish jazýǵa týra keletin. Endi 55 túrli memlekettik qyzmet 21 kompozıttik qyz­metke biriktiriledi.

Mundaı qyzmetterdiń arasynda Jerge akt alý suranysqa ıe bolady. Qa­zir jerge aktige tórt túrli ótinish berýge týra keledi, endi barlyq tórt akt bir qyz­metke biriktiriledi – sáıkestendirý qujattaryn daıyndaý jáne berý, bul egov.kz portalynda da qoljetimdi.

Taǵy bir jańalyq, endi azamattyq hal aktilerin kez kelgen aımaqta tirkeýge bolady. Jańashyldyq balanyń týýyna, ne­keni tirkeý men ajyrasýǵa, aty-jóni men tegin ózgertýge, qaıtys bolý qujat­taryn tirkeý sııaqty qyzmetterdi qamtıdy. Máselen, buryn azamattar atal­ǵan mem­lekettik qyzmetterdi alý úshin tur­ǵylyqty tirkeý orny nemese tirkeý jazbasynyń ornalasqan jeri boıynsha memlekettik korporasııanyń front-ofısterine nemese AHAT bólimine habar­lasatyn. Endi azamattyq hal akti­lerine qatysty 5 túrli qyzmetti kez kelgen HQO-dan nemese AHAT-tan alý­ǵa bolady. Bul kerekti qujattardy az ýaqyt ishinde alýǵa jáne sybaılas jem­qor­lyq derekterin boldyrmaýǵa múmkindik beredi.

Buryn qujattardy resimdeý úshin ótinish berýshi tirkeý orny boıynsha halyqqa qyzmet kórsetý ortalyqtaryna nemese tirkeýshi organǵa habarlasyp, 5-30 kúnge deıin jaýap kútetin edi. Máselen, eger azamat bir aımaqta tegin ózgertý týraly ótinish bildirse, mem­leket­tik organ ózge aımaqtan – onyń týǵan jerinen qosymsha málimetterdi sura­tatyn.

Jalpy, zańǵa usynylǵan túzetýlerdiń 70%-y memlekettik qyzmetterdi oń­taı­landyrý men avtomattandyrýǵa múm­kindik beredi. Elektrondy formatqa kóshý qujattardy qabyldaý ýaqyty men onyń sanyn qysqartady, ákimshilik kedergilerdi joıady jáne qyzmetterdi alý prosesin jeńildetedi.

Sondaı-aq HQO mamandary qyzmet alýshylardyń telefondaryna telegram jáne Mgov qosymshalaryn ornatýǵa kómektesedi, túrli anyqtamalar men qyzmetterdi alý tártibin túsindiredi. Qa­zir­­gi ýaqytta telegram-bot (@EgovKzBot) arqyly memlekettik qyz­met­tiń 25 túri, mGov.kz mobıldi qosym­shasy arqyly bilim berý, otbasy, jyljymaıtyn mú­lik, densaýlyq saqtaý syndy basqa da salalardaǵy 90-ǵa jýyq memlekettik qyzmet qoljetimdi. Búginde tizilimde bar 723 memlekettik qyzmettiń 580-i elektrondy formatta qoljetimdi.

Qysqasy, Azamattarǵa arnalǵan úkimet «Qaltadaǵy HQO» qaǵıdaty boıynsha áreket etedi.

 

ALMATY

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Uqsas jańalyqtar