Ekologııa • 12 Aqpan, 2020

Temirtaý-Baıanaýyl-Pavlodar gaz qubyry júrgizilse

16 retkórsetildi

О́ńirde jylý qýaty kóbeıip, ekologııa, qorshaǵan orta tazarar edi. Burynǵy oblys ákimi Bolat Baqaýov oblys  ortalyǵyndaǵy jylý qýatynyń tapshylyǵyn «Saryarqa» magıstraldy gaz qubyryn  tartý arqyly júzege asyrmaqshy bolǵan-dy. Uzyndyǵy 430 shaqyrymdy quraıtyn Temirtaý- Baıanaýyl-Pavlodar gaz qubyrynyń jobasy josparlanǵan.

Sýretti túsirgen: Valerıı Býgaev

-О́ıtkeni, oblys  ortalyǵynda jylý qýatynyń tapshylyǵy jyl saıyn baıqalýda. Sebep, jylytý qondyrǵylarynyń azdyǵy men magıstraldyq jylý jelileriniń qajetti deńgeıde jylý kólemin ótkize almaýynan týyndaýda,-deıdi oblystyq Energetıka jáne Turǵyn úı-kommýnaldyq sharýashylyǵy basqarmasynyń basshysy Murat Ábilqalyqov.

Qalalyq turǵyn úı ınspeksııasynyń mamany Nurlan Rashıtovtyń  aıtýynsha, páterlerdegi jylý tapshylyǵyna sebep, gıdravlıkalyq temperatýralyq parametrleriniń bolmaýy.

Basqarmanyń málimetinshe,  qala ákimdigi men «Pavlodarenergo» AQ birlese  Estaı, Marǵulan kósheleri arqyly №5-shi, №31-shi jańa jylý magıstralin salý jobalaryn ázirleýde.

Oblysta 13 energoblok, 18 qazandyq jáne 15 týrbına jumys istep tur. Oǵan qosa, bir energoblok, 13 qazandyq jáne bir týrbına qosalyq rezervte.

Qazir oblysta 752,5 myń adam turady, qala halqynyń sany 531,1 myń adamdy, aýyl halqy 221,4 myń adam.

-О́tken jyly «Nurly jol» men «2020 jylǵa deıin óńirlerdi damytý» baǵdarlamalary boıynsha 34,9 shaqyrym jylý jelileri, 33,5 shaqyrym káriz júıesi men 24,1 shaqyrym jylý jelileri retke keltirildi. Bıyl sýmen qamtý jáne káriz júıelerin jasaýǵa respýblıkalyq bıýdjetten 6,7 mlrd teńge oblysqa bólinedi,- deıdi Murat Ábilqalyqov.

Bul qarajatqa óńirdiń kommýnaldyq kásiporyndary sýmen qamtý júıeleriniń 22,2 shaqyrymyn, káriz júıeleriniń 9 shaqyrymy men jylý jelileriniń 2,5 shaqyrymyn jóndeýdi josparlaýda.

Biraq, bul da jetkiliksiz. Tozyǵy jetken jeliler kólemin qysqartý úshin jyl saıyn jylý jelileriniń 40 shaqyrymyn, sýmen qamtý jelileriniń 53 shaqyrymyn jáne káriz júıeleriniń 38 shaqyrymyn jóndeý qajet eken.                 

О́ńirde 2020 jyldyń 1 qańtarynan bastap halyq úshin kommýnaldyq qyzmet tarıfterine ózgerister de engizildi. Josparǵa sáıkes, jylýmen qamtý baǵasy bıýdjettik uıymdar men bıznes ókilderi úshin 19 paıyzǵa, al turǵyndar úshin 10 paıyzǵa óspekshi.  Jylýmen qamtý tarıfi 2,9 paıyzǵa, elektroenergııa 10 paıyzǵa ósti.

Al, Elbasy «Saryarqa» jobasyn usynǵanda gaz qubyryn Petropavl men Pavlodarǵa deıin tartýdy tapsyrǵan-dy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar