Medısına • 12 Aqpan, 2020

Medısınalyq ońaltý múgedektikti azaıtýǵa múmkindik beredi

23 retkórsetildi

Halyqtyń múgedektikti tómendetýge múmkindik beretin negizgi úderis ońaltý bolyp tabylady. Ońaltý sharalary qanshalyqty ýaqtyly júrgizilse, adam da sonshalyqty jyldam saýyǵady. Ońaltý isi úzdiksiz bolýy tıis ekendigin aıta ketý kerek.

Mıokard ınfargi, ınsýlt, kardıohırýrgııalyq otadan keıin naýqas ońaltý kómegin alýy tıis. Medısınada tek ońaltý sharalaryna ǵana emes, sondaı-aq múgedektikke dýshar etetin qaýipti dertterdi erte bastan anyqtaýǵa múmkindik beretin skrınıngpen qosa, ońaltý aldyndaǵy kezeńge de kóńil aýdarý mańyzdy.

Ońaltýdyń negizgi qaǵıdalary: erte bastaý, kezeńdilik, úzdiksizdik, sabaqtastyq, jeke jáne mýltıtártiptik tásil, qoljetimdilik, ońaltý is-sharalaryn júrgizýge maqsatty naqty jáne aıqyn tujyrymdaý.

Osyǵan baılanysty, Kardıologııa jáne ishki aýrýlar ǵylymı-zertteý ınstıtýtynyń kardıologııa jáne ońaltý bólimshesi Almaty qalasy jáne elimizdiń basqa óńirleriniń turǵyndaryna mamandandyrylǵan kardıologııalyq jáne terapevtik medısınalyq kómek kórsetedi. Bul saýyqtyryp emdeý, medısınalyq ońaltý, fızıoterapevtik prosedýralar.

Bólim meńgerýshisiniń mindetin atqarýshy Ásem Amantaevanyń aıtýynsha, júrgizilip jatqan kardıoońaltý kardıologııalyq naýqastyń fızıkalyq jáne psıhologııalyq jaǵdaıyn jaqsartýǵa baǵyttalǵan. Kardıoońaltýǵa emdik fızkýltýra, mólsherlengen jaıaý júris, veloergometrde (velotrenajer) dınamıkalyq jattyǵýlar jasaý, temekiden bas tartý, dene salmaǵy men lıpıdter deńgeıin qalypqa keltirý, arterııalyq gıpertonııany, qant dıabetin emdeý, psıholog dárigerdi shaqyra otyryp psıhologııalyq qoldaý kórsetý jatady.

«Biz pasıenttiń densaýlyǵyn, eńbekke qabilettiligin jaqsartý, aýrýdyń asqynýynyń aldyn alý, olardyń qoǵamdaǵy kúndelikti ómirge beıimdelýi úshin barlyq kúsh-jigerimizdi salamyz», deıdi Ásem Nuralyqyzy.

Sonymen qatar ınstıtýtta rezıdentýra jáne doktorantýra arqyly ǵylymı kadrlardy, onyń ishinde alys jáne jaqyn shetelderden mamandardy daıyndaý úshin bilim berý baǵdarlamasyn júzege asyrady, sondaı-aq rezıdenttermen sabaq júrgiziledi.

Múgedektiktiń aldyn alý men tómendetý, ómir súrý sapasyn jaqsartý, pasıenttiń jumys isteý qabilettiligin men onyń qoǵamda áleýmettik beıimdeýge baǵyttalǵan jumystar óz nátıjelerin berip otyr. Ony biz kórip júrmiz, ásirese ınfarkt pen kardıohırýrgııalyq otalardan keıin pasıentterdiń densaýlyǵy ońalady jáne eńbek etý qabiletteri qalpyna keledi.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar