Parlament • 12 Aqpan, 2020

Májiliste birqatar ratıfıkasııalyq jańa zań jobasy maquldandy

7 retkórsetildi

Búgin Palata Spıkeri Nurlan Nyǵmatýlınniń tóraǵalyǵymen Májilistiń jalpy otyrysy ótti. Onda Ujymdyq qaýipsizdikke qatysty birqatar ratıfıkasııalyq zań jobalary maquldandy. Bul týraly Parlament Májilisiniń baspasóz qyzmeti habarlady.

Atap aıtqanda, 1992 jylǵy 15 mamyrdaǵy Ujymdyq qaýipsizdik týraly shartqa ózgerister engizý týraly ekinshi hattamany ratıfıkasııalaý týraly zań jobasy Hattamaǵa sáıkes Ujymdyq qaýipsizdik keńesi qatysýshy memleketterdiń basshylarynan ne, eger óz memleketiniń zańnamasyna sáıkes Keńestiń quzyretine kiretin máseleler boıynsha sheshim qabyldaý ókilettikteri berilgen bolsa, qatysýshy memleketterdiń úkimet basshylarynan turýǵa tıis.

Sonymen qatar ujymdyq qaýipsizdik júıesiniń kúshteri men quraldaryn paıdalaný týraly sheshimdi qatysýshy memleketterdiń basshylary ne, eger óz memleketiniń zańnamasyna sáıkes tıisti ókilettikter berilgen bolsa, qatysýshy memleketterdiń úkimet basshylary qabyldaıtyn bolady.

Otyrysta «2002 jylǵy 7 qazandaǵy Ujymdyq qaýipsizdik týraly shart Uıymynyń Jarǵysyna ózgerister engizý týraly ekinshi hattamany ratıfıkasııalaý týraly» Zań jobasy maquldandy. Hattamaǵa sáıkes Ujymdyq qaýipsizdik keńesiniń quramyna múshe memleketterdiń basshylary ne, eger óz memleketiniń zańnamasyna sáıkes Keńestiń quzyretine kiretin máseleler boıynsha sheshim qabyldaý ókilettikteri berilgen bolsa, múshe memleketterdiń úkimet basshylary kiredi.

Eger Keńes ózgeshe sheshim qabyldamasa, aýmaǵynda Keńestiń kezekti sessııasy ótetin memleket atynan ókildik etetin Keńestiń múshesi Ujymdyq qaýipsizdik keńesiniń Tóraǵasy bolyp tabylady. Jalpy otyrysta Ujymdyq qaýipsizdik týraly shart Uıymynyń Jarǵysyna ózgerister engizý týraly úshinshi hattamany ratıfıkasııalaý týraly zań jobasy depýtattar tarapynan qoldaý tapty. Hattamanyń maqsaty áriptestik ınstıtýtyn qurý jáne Ujymdyq qaýipsizdik týraly shart Uıymy janyndaǵy baıqaýshynyń mártebesin retteıtin normalardy jetildirý.

Hattamaǵa sáıkes Uıymnyń ashyq normatıvtik quqyqtyq bazasyn, qyzmet tájirıbesi men praktıkasyn zerdeleýge qyzyǵýshylyq tanytatyn, Uıymǵa múshe bolyp tabylmaıtyn memleketter, sondaı-aq halyqaralyq uıymdar Uıymnyń praktıkalyq is-sharalaryna qatysý týraly mindettemeler qabyldamastan, Uıym janyndaǵy Baıqaýshy mártebesin ala alady.

Uıymnyń maqsaty men qaǵıdattaryn jaqtaıtyn, Uıymnyń praktıkalyq is-sharalaryna qatysý boıynsha mindettemeler qabyldap ózara qyzyǵýshylyq bildiretin salalarda Uıymmen ózara tıimdi yntymaqtastyq qatynasyn ornatý men damytýdy qalaıtyn, Uıymǵa múshe bolyp tabylmaıtyn memleketter, sondaı-aq halyqaralyq uıymdar Uıymnyń Áriptesi mártebesin ala alady.

Sondaı-aq otyrysta maquldanǵan Ujymdyq qaýipsizdik týraly shart Uıymynyń quqyqtyq mártebesi týraly kelisimge ózgerister engizý týraly ekinshi hattamany ratıfıkasııalaý týraly zań jobasynyń maqsaty – UQShU-nyń turaqty jumys isteıtin jumys organdaryn qajetti qyzmet jaǵdaılarymen qamtamasyz etý.

Hattamada UQShU-ǵa múshe memleketterdiń UQShU Bas hatshysynyń orynbasarlary laýazymdaryn atqaratyn ókilderine bolý elinde 1961 jylǵy 18 sáýirdegi Dıplomatııalyq qatynastar týraly Vena konvensııasynda dıplomatııalyq agent pen onyń otbasy músheleri úshin kózdelgen kólemde dıplomatııalyq artyqshylyqtar men ımmýnıtet berý arqyly olardyń áleýmettik qorǵalýyn arttyrý kózdeledi.

Sonymen qatar búgin Palata memlekettik satyp alý máseleleri týraly zań jobasyn jumysqa aldy. Jalpy otyrys sońynda halyq qalaýlylary memlekettik organdardyń basshylaryna birneshe depýtattyq saýaldar joldady. Olar I. Aronova, E. Bekturǵanov, A. Jamalov, P. Kazansev, I. Klımenko, A. Platonov M. Pishembaev, B. Smaǵul, M. Temirjanov, J. Ahmetbekov, A. Qońyrov, T. Syzdyqov, A. Perýashev.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar