Hokkeı • 13 Aqpan, 2020

«Avtomobılısten» basym tústi

8 retkórsetildi

Qurlyqtyq hokkeı lıgasyndaǵy (QHL) kezekti týr oıynyn Ekaterınbýrgte ótkizgen Nur-Sultannyń «Barysy» jergilikti «Avtomobılısten» basym tústi.

Birinshi kezeńde esep ashylǵan joq. Úzilisten keıin Nıkıta Mıhaılıs gol soǵyp, jerlesterimizdi esepte alǵa shyǵarǵan-dy. Biraq 28 jáne 35-mınýtta «Avtomobılıst» oıynshylary bizdiń qaqpaǵa qatarynan eki shaıba toǵytyp, tarazy basyn ózderine aýdardy. Gol avtorlary – Evgenıı Mozer men Pıter Holland. Degenmen kezeń aıaqtalar tusta «Barys» shabýylshysy Iıro Pakarınen mergendigimen kózge túsip, esepti teńestirip ketti.

Úshinshi kezeń basynda san basymdyǵyna ıe bolǵan «Barys» hokkeıshileri qarsylas komandanyń qaqpasyna úshinshi shaıbasyn soqty. Bul joly Dastın Boıd tabloǵa óz atyn jazdyrdy. Al kezdesýdiń 57-mınýtynda Roman Starchenko oıynnyń núktesin qoıdy. Qorytyndy esep – 4:2. Bir qyzyǵy, osydan eki apta buryn eki komanda muzaıdynda jolyqqan bolatyn. Sol kezdesýde de jerlesterimiz 4:2 esebimen basym túsken-di.

Qazirgi kezde «Barys» komandasy jarys kestesinde úshinshi orynda keledi. 56 oıynnan keıin jerlesterimizdiń enshisinde 75 upaı bar. Elorda hokkeıshileri kelesi kezdesýin búgin Máskeýde SSKA klýbyna qarsy ótkizedi.    

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar