Álem • 13 Aqpan, 2020

Koronavırýs juqtyrǵandar sany kúrt ósti

110 retkórsetildi

Qytaıdyń Hýbeı provınsııasynda vırýstan 242-ge jýyq adam kóz jumdy. Bul - indet bastalǵaly vırýstan qaıtys bolǵandardyń eń joǵary kórsetkishi. 

Sonymen qatar, bir kúnde vırýs juqtyrǵan 14 840 adam anyqtalǵan. Naýqastar sanynyń kúrt ósýine Hýbeıde qoldanyla bastaǵan dıagnostıkanyń jańa túri sebep bolýy múmkin. 

Osyǵan deıin epısentr bolǵan bul provınsııada jaǵdaı turaqtanyp keledi degen boljam aıtylǵan edi. 

Sońǵy málimetter el boıynsha jańa vırýstan zardap shekkender kórsetkishin kúrt ózgertti. Qytaıda koronavırýstan barlyǵy 1350-den astam adam kóz jumyp, 60 000-ǵa jýyǵy indetke shaldyqqan. Naýqastardyń 48 myńnan astamy vırýs bastalǵan Hýbeı provınsııasynda turady.

Álem elderi vırýsty toqtatý maqsatynda túrli sharalardy qoldanyp jatyr. Jaqyn kúnderi 2000-nan astam jolaýshysy bar krýızdik laınerdi qabyldaýdan 5 el bastartypty. Aqyrynda Kambodjaǵa kelip toqtaǵan. Japonııa, Taıvan, Gýam, Fılıppın jáne Taıland bortynda vırýs juqtyrǵan jolaýshy joqtyǵyna qaramastan, saqtyq shara retinde kemeni elderine kirgizbegen. Kambodjanyń bul sheshimin Dúnıejúzilik Densaýlyq Saqtaý uıymy quptap, osyndaı qıyn jaǵdaıda halyqaralyq yntymaqtastyqtyń úlgisin kórsete bildi depti.

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar