Qazaqstan • 13 Aqpan, 2020

Qazaqstan - qaqtyǵys óńirlerinen óz azamattaryn elge qaıtarýda álemdegi kóshbasshy

33 retkórsetildi

Qazaqstan Respýblıkasy Syrtqy ister mınıstriniń orynbasary Erjan Ashyqbaev EQYU Shveısarııa Úkimetimen, BUU Terrorızmge qarsy basqarmasymen jáne Albanııanyń EQYU-daǵy tóraǵalyǵymen birlesip uıymdastyrǵan «Shetel terrorıst jaýyngerler (FTFs) - qazirgi zamanǵy syn-qaterlerdi sheshý» taqyrybyndaǵy joǵary deńgeıdegi óńirlik konferensııaǵa qatysty. Bul týraly Syrtqy ister mınıstrliginiń baspasóz qyzmeti habarlady.

Is-sharanyń birinshi sessııasynda sóz sóılegen E.Ashyqbaev ınternettegi terrorıstik ıdeologııanyń taralýyna qarsy Qazaqstannyń kúsh-jigeri týraly, sondaı-aq elimizdiń EQYU sheńberindegi terrorızmge qarsy áreketterge qoldaýy týraly aıtty. 

Qazaqstan júzege asyrǵan «Jýsan» jáne «Rýsafa» gýmanıtarlyq operasııalarǵa álem qaýymdastyǵynyń qyzyǵýshylyǵyn eskere otyryp, Mınıstrdiń orynbasary DAISh otbasy múshelerin reabılıtasııa men reıntegrasııalaýǵa (Rehabilitation and reintegration of ISIS Family Members) arnalǵan saıd-ıventiń negizgi spıkeri retinde sóz sóılep, ol azamattardy terrorıstik áreket aýmaqtarynan qaıtarýmen, balalardy qujattandyrýdan bastap, oralǵandarmen jumys isteýdiń eń jaqsy tájirıbelerin tartýǵa baılanysty týyndaǵan problemalar men qıyndyqtarǵa toqtalyp ótti. Úkimettik emes sektordy qaıta áleýmettendirý salasyndaǵy qyzmeti erekshe atap ótildi.

Konferensııa aıasynda E.Ashyqbaev BUU Bas hatshysynyń kómekshisi jáne BUU Terrorızmge qarsy komıteti Atqarýshy dırektoratynyń Atqarýshy dırektory Mıshel Konınkspen kezdesip, suhbat barysynda terrorızmmen kúrestegi yntymaqtastyqtyń odan ári praktıkalyq qadamdary, onyń ishinde tájirıbe jáne ozyq mashyqtarmen almasý boıynsha naqty jobalar men is-sharalar talqylady.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar